OR 
ନମ୍ୱର ବିହୀନ ବାଇକ୍ରେ ଆସିଲେ। ସୁନା ଦୋକାନରେ ପଶି ମାଲିକଙ୍କୁ ଗୁଳି କରି କାର୍ରେ ପଳାଇଗଲେ। ଆଜି ସନ୍ଧ୍ୟା ବେଳେ ଏପରି ଘଟଣା ପୁରୀ ଜିଲ୍ଲା କାକଟପୁର ଥାନା ଅଞ୍ଚଳରେ ଘଟିଛି। ଏନେଇ ଅଭିଯୋଗ ହେବା ପରେ ଛାନ୍ଭିନ୍ ଚଳାଇଛି ପୁଲିସ୍।
କୁଣ୍ଢେଇହାଟ ତିନି ଛକି ବଜାରରେ ରହିଛି ନିରଞ୍ଜନ ସାହୁଙ୍କ ଅଳଙ୍କାର ଦୋକାନ। ଆଜି ସନ୍ଧ୍ୟା ବେଳେ ସେ ଦୋକାନରେ ବସିଥିଲେ। ଠିକ୍ ସେତିକି ବେଳେ କୋଣାର୍କ ପର୍ଶ୍ୱରୁ ୨ ଜଣ ଯୁବକ ମାସ୍କ ପିନ୍ଧି ଏକ ନମ୍ବର ବିହୀନ ହୋଣ୍ଡା ସାଇନ ବାଇକ୍ରେ ଦୋକାନ ପାଖରେ ବାଇକ୍ ରଖିଥିଲେ। ତା’ପରେ ଦୋକାନରେ ପଶିଥିଲେ। ସେମାନଙ୍କୁ ଦୋକାନ ମାଲିକ ଶ୍ରୀ ସାହୁ ବାରଣ କରିଥିଲେ। ହେଲେ ସେମାନେ ବନ୍ଧୁକ ବାହାର କରି ଶ୍ରୀ ସାହୁଙ୍କ ଉପରକୁ ୨ ରାଉଣ୍ଡ ଫାୟାରିଂ କରିଥିଲେ। ଗୋଟିଏ ଗୁଳି ଶ୍ରୀ ସାହୁଙ୍କ କଙ୍କାଳ ଦେଇ ବାହାରି ଯାଇଥିବା ବେଳେ ଆଉ ଏକ ଗୁଳି ତାଙ୍କର କଙ୍କାଳରେ ରହିଥିବା ଅନୁମାନ କରାଯାଉଛି।
Also Read
ଶ୍ରୀ ସାହୁ ରକ୍ତାକ୍ତ ହୋଇଥିଲେ ସୁଦ୍ଧା ନିଜ ଉପସ୍ଥିତ ବୁଦ୍ଧି ଖଟାଇ ସେମାନଙ୍କ ଉପରକୁ ନାଇଟ୍ରିକ୍ ଏସିଡ୍ ଫିଙ୍ଗି ଦେଇଥିଲେ। ଯେଉଁଥିପାଇଁ ସେମାନେ ବାଇକ ଛାଡି ଅନ୍ୟ ଏକ କାରରେ କୋଣାର୍କ ଅଭିମୁଖେ ପଳାଇ ଯାଇଥିଲେ। ଗୁରୁତର ଶ୍ରୀ ସାହୁଙ୍କୁ ଅନ୍ୟ ଦୋକାନୀମାନେ ଗୁରୁତର ଅବସ୍ଥାରେ ଉଦ୍ଧାର କରି କାକଟପୁର ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ। ସେଠାରେ ତାଙ୍କ ସ୍ୱାସ୍ଥ୍ୟ ଅବସ୍ଥା ଗୁରୁତର ହେବାରୁ ଭୁବନେଶ୍ୱର କ୍ୟାପିଟାଲ ହସ୍ପିଟାଲକୁ ସ୍ଥାନାନ୍ତର କରାଯାଇଛି।
ଏନେଇ ଅଭିଯୋଗ ହେବା ପରେ କାକଟପୁର ଥାନା ପୁଲିସ ମାମଲା ରୁଜୁ କରି ଘଟଣାର ତଦନ୍ତ ଚଳାଇଛି। ଅଭିଯୁକ୍ତଙ୍କୁ ଧରିବା ପାଇଁ ପୁଲିସ୍ ବିଭିନ୍ନ ଛକ ଛାନଭିନ୍ ଚଳାଇଛି। ହେଲେ ଅଭିଯୁକ୍ତଙ୍କୁ ଧରିବା ବିଫଳ ହୋଇଛି।
ରିପୋର୍ଟ- କୋଣାର୍କରୁ ସଞ୍ଜୟ ପତି
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
