ପାର୍ବଣରେ ଜମିଥାନ୍ତା ବେପାର; ପଣ୍ଡ କରିଦେଲା ଅବକାରୀ ବିଭାଗ

ପାର୍ବଣରେ ଜମିଥାନ୍ତା ଚୋରା ମଦ ବେପାର। ହେଲେ ଚଢାଉ କରି ସବୁ ପଣ୍ଡ କରିଦେଲା ଅବକାରୀ ବିଭାଗ। ରାଜଧାନୀରେ ଛାତିଉପରେ ଚାଲିଥିବା ବେଆଇନ ମଦ କାରବାରର ପର୍ଦ୍ଦାଫାସ କରିଛି ଅବକାରୀ ବିଭାଗ। ସାଲିଆସାହିରୁ ଜବତ ହୋଇଛି ଶହ ଶହ ଲିଟର ରନ୍ଧା ଦେଶୀ ମଦ।

ଏଥିସହ ବିଭିନ୍ନ ମଦ ପ୍ରସ୍ତୁତକାରୀ ସାମଗ୍ରୀ ଜବତ କରିଛି ଅବକାରୀ ବିଭାଗ। ଘଟଣାରେ ୧୫ ଜଣ ଚୋରା ମଦ ବ୍ୟବସାୟୀଙ୍କୁ ବାନ୍ଧିଛି ଅବକାରୀ ବିଭାଗ।

ସାଲିଆସାହିରେ ଚୋରା ମଦ ବେପାର ଚାଲିଥିବା କମିଶନରେଟ୍‌ ପୁଲିସ କୌଣସି ସୂତ୍ରରୁ ଖବର ପାଇଥିଲା। ଅବକାରୀ ବିଭାଗର ଟିମ୍‌ ଚଢ଼ାଉ କରି  ରନ୍ଧା ଦେଶୀ ମଦ ଜବତ କରିବା ସହ ମଦ ବ୍ୟବସାୟୀଙ୍କୁ ଗିରଫ କରିଥିଲା।

ସୂଚନାଯୋଗ୍ୟ, ପାର୍ବଣ ପାଇଁ କମିଶନରେଟ ପୁଲିସ ରାଜଧାଦୀରେ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରିଛି। ଅନ୍ୟପକ୍ଷରେ ଚୋରା ମଦ ବେପାରୀମାନେ ରାଜଧାନୀରେ ଛାତିଉପରେଚୋରା ମଦ ପ୍ରସ୍ତୁତ କରି କମିଶନରେଟ ପୁଲିସକୁ ଖୋଲା ଚ୍ୟାଲେଞ୍ଜ ଦେଉଛନ୍ତି।