ଘରେ କେହି ନଥିଲେ; ୬ ଜିନ୍ଦଲ କର୍ମଚାରୀଙ୍କ ଘରେ କଳାକନା ବୁଲାଇଲେ ଲୁଟେରା

ଘରେ କେହି ନଥିବା ବେଳେ ୬ ଜଣଙ୍କ ଘରେ କଳାକନା ବୁଲାଇ ଦେଲେ ଲୁଟେରା। ଏପରି ଘଟଣା ଘଟିଛି ସୁନ୍ଦରଗଡ଼ ଜିଲ୍ଲା ଟେନସା ଫାଣ୍ଡି ଅଧିନସ୍ଥ ଜିନ୍ଦଲ କଲୋନୀରେ। ଲୁଟେରାମାନେ କବାଟ ତାଡ଼ି ଟଙ୍କା ଓ ସୁନା ଗହଣା ଲୁଟି ନେଇଥିବା ଅଭିଯୋଗ ହୋଇଛି।

ଜିନ୍ଦଲ କଲୋନୀରେ ରହୁଥିବା ୬ଟି ପରିବାର ନିଜ ଗାଁକୁ ଯାଇଥିଲେ। ଏହି ସୁଯୋଗରେ ଲୁଟେରାମାନେ ଜିନ୍ଦଲ କଲୋନୀରେ ରହୁଥିବା ୬ ଜଣଙ୍କ ଘରେ  ଗତକାଲି ରାତିରେ କବାଟ ତାଡ଼ି ପଶିଥିଲେ। ଘରେ ଥିବା ଟଙ୍କା ଓ ସୁନା ଅଳଙ୍କାର ନେଇ ଚମ୍ପଟ ମାରିଥିଲେ ଲୁଟେରା।

ଆଜି ସକାଳେ ସେହି କଲୋନୀରେ ରହୁଥିବା ଅନ୍ୟ ଲୋକମାନେ କବାଟ ତଡ଼ା ଯାଇଥିବା ଦେଖି ପୁଲିସକୁ ଖବର ଦେଇଥିଲେ। ପୁଲିସ ପହଞ୍ଚି ଘଟଣାର ତଦନ୍ତ କରୁଛି।