ପୁରୀ ଜିଲ୍ଲା ବ୍ରହ୍ମଗିରି ଥାନା କୋଠ ସାହି ଗ୍ରାମର ବାବା ମୁକ୍ତେଶ୍ଵର ମନ୍ଦିରର ହୁଣ୍ଡି ଭାଙ୍ଗି କେହି ଦୁର୍ବୃତ୍ତ ଟଙ୍କା ନେଇ ଯାଇଥିବା ଅଭିଯୋଗ ହୋଇଛି। ବ୍ରହ୍ମଗିରି ଥାନାରେ ଏ ସମ୍ପର୍କରେ ଲିଖିତ ଅଭିଯୋଗ ହେବା ପରେ ପୁଲିସ ସନ୍ଧନୀ କୁକୁର ସହ ଘଟଣାସ୍ଥଳରେ ପହଞ୍ଚି ତନାଘନା କରିଛି।
ମିଳିଥିବା ସୂଚନା ଅନୁସାରେ, ଗତକାଲି ବିଳମ୍ବିତ ରାତିରେ ଏହି ଲୁଟ୍ ହୋଇଛି। କେହି ଦୁର୍ବୃତ୍ତ ମୁକ୍ତେଶ୍ଵର ଦେବଙ୍କ ହୁଣ୍ଡିକୁ ଟେକି ନେଇ ଗାଁ ନିକଟ ମଶାଣି ପାଖରେ ଭାଙ୍ଗି ଟଙ୍କା ନେଇ ଫେରାର ହୋଇ ଯାଇଛି। ହୁଣ୍ଡିରେ ୫୦ ହଜାରରୁ ଅଧିକ ଟଙ୍କା ଥିଲା ବୋଲି ଗାଁ ଲୋକେ ଅନୁମାନ କରୁଛନ୍ତି।