ହଠାତ୍ ପୁଲିସ୍କୁ ଦେଖି ଛାନିଆ ହୋଇଗଲେ ଯୁବକ । କାରଣ ଡ୍ରଗ୍ସ ବିକ୍ରି କରିବା ଘଟଣାରେ ସେ ଥିଲେ ଅଭିଯୁକ୍ତ। ଏହାପରେ କୌଣସି ବୁଦ୍ଧିବାଟ ଦେଖା ନ ଯିବାରୁ ଯୁବକଜଣକ ପାଖରେ ଥିବା ନଦୀକୁ ଡେଇଁ ପଡ଼ିଥିଲେ। ଏହାପରେ ନଦୀରେ ପହଁରି ପହଁରି ଖସି ଯିବାରେ ସକ୍ଷମ ହେଲେ। ଏପରି ଏକ ଘଟଣା ମଧ୍ୟପ୍ରଦେଶର ଶେଓପୁରରେ ଘଟିଛି।
ଅଭିଯୁକ୍ତଜଣକ ଡ୍ରଗ୍ସ ବିକ୍ରି ମାମଲାର ଅଭଯୁକ୍ତ ଥିଲେ। ଏହି ଘଟଣାରେ ଥାନାରେ ହାଜର ହେବାକୁ ନୋଟିସ୍ ଦେବାକୁ ପୁଲିସ୍ ତାଙ୍କ ଘରକୁ ଯାଇଥିଲା। ମାତ୍ର ନିଜ ଘର ଆଗରେ ହଠାତ୍ ପୁଲିସ୍କୁ ଦେଖି ଯୁବକଜଣକ କ’ଣ କରିବେ କିଛି ଭାବି ପାରି ନ ଥିଲେ।
ଏହାପରେ ସେ ଘର ନିକଟରେ ଥିବା ନଦୀକୁ ଡେଇଁ ପଡ଼ିଥିଲେ। ଉପରକୁ ଚାଲି ଆସିବାକୁ ପୁଲିସ୍ ତାଙ୍କୁ ବହୁ ଅନୁରୋଧ କରିବା ସତ୍ତ୍ୱେ ସେ ଉପରକୁ ଆସି ନ ଥିଲେ। ଯୁବକଜଣକ ପହଁରି ପହଁରି ନଦୀ ଅପର ପାର୍ଶ୍ୱକୁ ଯାଇ ଫେରାର ହେବାରେ ସକ୍ଷମ ହୋଇଥିବା ଜଣାଯାଇଛି। ପୁଲିସ୍ ତାଙ୍କ ସନ୍ଧାନ ଜାରି ରଖିଛି।
Also Read
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
