ମାଲକାନଗିରି
:ଭେଜାଗୁଡ଼ା ଜଙ୍ଗଲରେ ଏନକାଉଣ୍ଟରରେ ପ୍ରାଣ ହରାଇଥିବା ସିପିଆଇ ମାଓବାଦୀ ଡିଭିଜିନାଲ୍ କମିଟି ସଦସ୍ୟ ସୁନାଧର ବିରୋଧରେ ପ୍ରାୟ ଶହେ ସୁରକ୍ଷାକର୍ମୀଙ୍କୁ ହତ୍ୟା ଅଭିଯୋଗ ରହିଛି। ଭେଜାଗୁଡା ଏନକାଉଣ୍ଟର ପରେ ମାଲକାନଗିରି ପହଞ୍ଚି ଏହା ସୂଚନା ଦେଇଛନ୍ତି ଦକ୍ଷିଣ ପଶ୍ଚିମାଞ୍ଚଳ ଡିଆଇଜି ଏସ୍ ସାଇନି। ସାମ୍ୱାଦିକଙ୍କୁ ସୂଚନା ଦେଇ ଏସ୍ ସାଇନି କହିଛନ୍ତି, କ୍ୟାଡର ମାଓବାଦୀ ଥିବା ସୁନାଧର ବହୁଚର୍ଚ୍ଚିତ ଛତିଶଗଡ଼ ଦରଭାଘାଟି ଆକ୍ରମଣ, ତାହକୱାଡ଼ି ମାଓ ହିଂସା ଭଳି ବଡ଼ ବଡ଼ ହିଂସାକାଣ୍ଡରେ ସଂପୃକ୍ତ ଥିଲା। ତାଙ୍କ ନାଁରେ ଓଡ଼ିଶା ଓ ଛତିଶଗଡ଼ ସରକାର ୧୩ ଲକ୍ଷ ଟଙ୍କାର ପୁରସ୍କାର ଘୋଷଣା କରିଥିଲେ।ଏନକାଉଣ୍ଟରରେ ପ୍ରାଣ ହରାଇଥିବା ୩ ଜଣଙ୍କ ମଧ୍ୟରୁ ଅନ୍ୟ ଜଣେ ମାଓବାଦୀ ଲକ୍ଷ୍ମଣ କୁଞ୍ଚାମି ଉପରେ ମଧ୍ୟ ଓଡ଼ିଶା ଓ ଛତିଶଗଡ଼ ସରକାର ୯ ଲକ୍ଷ ଟଙ୍କାର ପୁରସ୍କାର ଘୋଷଣା କରିଥିଲେ। ତେବେ ତୃତୀୟ ମାଓବାଦୀ ଜଣଙ୍କର ପରିଚୟ ମିଳି ପାରି ନଥିବା ସାଇନି ସୂଚନା ଦେଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
