ମାଲକାନଗିରି ଜିଲ୍ଲା ମୋଟୁରେ ପ୍ରାୟ ୧୦୦ ଏକର ଜଙ୍ଗଲ ଜମି ହଡ଼ପ ଅଭିଯୋଗ ଘଟଣାରେ ନିଜ ଆଡ଼ୁ ମାମଲା କରିଛି ନ୍ୟାସନାଲ ଗ୍ରୀନ ଟ୍ରିବ୍ୟୁନାଲ। କିପରି ଏହି ହଡ଼ପ ଜମିରେ ଏକ ନଗର ତିଆରି ହେଲା, ସେନେଇ ନୋଟିସ କରିଛି NGT।
ଜଙ୍ଗଲ ଜମିରେ କିପରି ରାସ୍ତା, ବିଲ୍ଡିଂ ଓ ତାର ବାଡ଼ ନିର୍ମାଣ ହେଲା ପଚାରିବା ସହିତ, ମନରେଗା ସମେତ ବିଭିନ୍ନ ସରକାରୀ ଯୋଜନା ଅର୍ଥରେ ଏହି ନିର୍ମାଣକୁ ନେଇ ପ୍ରଶ୍ନ ଉଠାଇଛି ନ୍ୟାସନାଲ ଗ୍ରୀନ ଟ୍ରିବ୍ୟୁନାଲ। ଏନେଇ ପିସିସିଏଫ୍, ଜଙ୍ଗଲ ବିଭାଗ ଓ ମାଲକାନଗିରି ଜିଲ୍ଲାପାଳଙ୍କୁ ନୋଟିସ୍ କରାଯାଇଛି। ଡିସେମ୍ବର ୩ ତାରିଖରେ ମାମଲାର ପରବର୍ତ୍ତୀ ଶୁଣାଣି ହେବାକୁ ଥିବାବେଳେ ଅତିକମରେ ଏହାର ସପ୍ତାହେ ପୂର୍ବରୁ ଜବାବ ରଖିବାକୁ ନିର୍ଦ୍ଦେଶ ଦେଇଛନ୍ତି NGT।
Also Read
ସୂଚନାଯୋଗ୍ୟ, ମୋଟୁର ଏହି ଜମି ହଡ଼ପ ଘଟଣାକୁ ନେଇ କିଛି ଦିନ ତଳେ ରାଜନୀତି ମଧ୍ୟ ଜୋର୍ ଧରିଥିଲା। ପୂର୍ବ ସରକାରଙ୍କ ଅନୁକଂପାରେ ଏହି ଜମି ହଡ଼ପ ହୋଇଥିବା ନେଇ ବିଜେପି ଅଭିଯୋଗ କରିଥିବାବେଳେ, ଏହାକୁ ଖଣ୍ଡନ କରିଥିଲା ବିଜେଡି।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
