OR 
ଜଗତସିଂହପୁର ସଦର ଥାନା ଅନ୍ତର୍ଗତ ରାଇବରାଇ ରାଇଦଣ୍ଡା ଗାଁରେ ଜଣେ ବ୍ୟକ୍ତି ତାଙ୍କ ପୁଅକୁ ତେଣ୍ଟାରେ ଭୁଷି ହତ୍ୟା କରିଥିବା ଅଭିଯୋଗ ହୋଇଛି। ମୃତ ଯୁବକଙ୍କ ନାଁ ଦିଲ୍ଲୀପ ଭୋଇ। ତାଙ୍କ ବାପାଙ୍କ ନାଁ ସୁଦର୍ଶନ ଭୋଇ।
ବୁଧବାର (ଗତକାଲି) ରାତିରେ ସୁଦର୍ଶନ କୌଣସି କାରଣରୁ ତାଙ୍କ ସ୍ତ୍ରୀଙ୍କ ସହିତ ଝଗଡ଼ା କରିଥିଲେ। ଏମିତିକି ସେ ତାଙ୍କ ସ୍ତ୍ରୀଙ୍କୁ ମାଡ଼ ମଧ୍ୟ ମାରିଥିଲେ। ଏହା ଦେଖି ସୁଦର୍ଶନଙ୍କୁ ତାଙ୍କ ମଝିଆଁ ପୁଅ ଦିଲ୍ଲୀପ ଭୋଇ ବିରୋଧ କରିଥିଲେ। ଏଥିରେ ଉତ୍କ୍ଷିପ୍ତ ହୋଇଯାଇଥିଲେ ସୁଦର୍ଶନ। ଘରେ ଥିବା ଏକ ତେଣ୍ଟା ଆଣି ସେ ଦିଲ୍ଲୀପଙ୍କୁ ଭୁଷି ଦେଇଥିଲେ।
Also Read
ଦିଲ୍ଲୀପଙ୍କ ବେକରେ ତେଣ୍ଟାଟି ଗଳି ଯାଇଥିଲା। ତାଙ୍କୁ ଗୁରୁତର ଅବସ୍ଥାରେ ଜଗତସିଂହପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା। ତେବେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
ଦିଲ୍ଲୀପଙ୍କ ବଡ଼ ଭାଇ ଦୀପକ ଭୋଇ ଘଟଣା ସଂପର୍କରେ ଜଗତସିଂହପୁର ସଦର ଥାନାରେ ଏତଲା ଦେବା ପରେ ପୁଲିସ୍ ଘଟଣାର ଯାଞ୍ଚ ଆରମ୍ଭ କରିଛି। ଅଭିଯୁକ୍ତ ସୁଦର୍ଶନ ଭୋଇଙ୍କୁ ପୁଲିସ୍ ଥାନାରେ ଅଟକ ରଖି ପଚରାଉଚରା କରୁଥିବା ଜଗତସିଂହପୁର ଏଏସ୍ପି ଜୟନ୍ତ ମହାପାତ୍ର ସୂଚନା ଦେଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
