କନ୍ଧମାଳ ଜିଲ୍ଲା ତୁମୁଡ଼ିବନ୍ଧ ଥାନା ନୂଆମୁଣ୍ଡା ଗାଁରେ ଜଣେ ବ୍ୟକ୍ତି ତାଙ୍କ ପତ୍ନୀଙ୍କୁ ହତ୍ୟା କରିଥିବା ଅଭିଯୋଗ ହୋଇଛି। ମୃତ ମହିଳାଙ୍କ ନାଁ ମଧୁବତି ବେହେରା ଦଳାଇ। ଅଭିଯୁକ୍ତ ତଥା ତାଙ୍କ ସ୍ୱାମୀଙ୍କ ନାଁ ଚନ୍ଦ୍ରକାନ୍ତ ବେହେରା ଦଳାଇ।
ସୂଚନା ଅନୁଯାୟୀ, ଚନ୍ଦ୍ରକାନ୍ତ ତାଙ୍କ ପତ୍ନୀ ମଧୁବତିଙ୍କୁ ଟଙ୍କା ମାଗିଥିଲେ। ହେଲେ ମଧୁବତି ଟଙ୍କା ଦେଇ ନଥିଲେ। ଏହାକୁ ନେଇ ଉଭୟଙ୍କ ମଧ୍ୟରେ ବଚସା ହୋଇଥିଲା। ଏହି ସମୟରେ ଉତ୍ତ୍ୟକ୍ତ ଚନ୍ଦ୍ରକାନ୍ତ ଏକ ଧାରୁଆ ଛୁରୀ ଆଣି ତାଙ୍କ ପତ୍ନୀଙ୍କ ତଣ୍ଟିକୁ କାଟି ଦେଇଥିଲେ।
Also Read
ପୁଅ ସିପୁନ ବେହେରା ଦଳାଇ ଘରକୁ ଫେରିବା ପରେ ମା’ ମଧୁବତିଙ୍କ ଗଳାକଟା ମୃତଦେହ ପଡ଼ିଥିବା ଦେଖିବାକୁ ପାଇଥିଲେ। ସେ ଘଟଣା ସଂପର୍କରେ ତୁମୁଡ଼ିବନ୍ଧ ଥାନାକୁ ଖବର ଦେଇଥିଲେ।
ପୁଲିସ ଘଟଣାସ୍ଥଳରେ ପହଞ୍ଚି ଛାନଭିନ କରିବା ସହିତ ମୃତଦେହକୁ ଜବତ କରିଥିଲା। ଏହା ସହିତ ଅଭିଯୁକ୍ତ ଚନ୍ଦ୍ରକାନ୍ତ ବେହେରା ଦଳେଇଙ୍କୁ ଥାନାକୁ ନେଇ ଅଟକ ରଖିଛି ଏବଂ ପଚରାଉଚରା କରୁଛି।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
