OR 
ଦେବଗଡ଼ ଜିଲ୍ଲା ଲଇମୁରା ଥାନା ଭାଲୁଗୁହା ଗାଁରେ ଜଣେ ଯୁବକଙ୍କ ଠେଙ୍ଗା ମାଡ଼ରେ ତାଙ୍କ ବାପାଙ୍କ ମୃତ୍ୟୁ ଘଟିଥିବା ବେଳେ ତାଙ୍କ ମା’ ଆହତ ହୋଇଛନ୍ତି। ଅଭିଯୁକ୍ତକୁ ପୁଲିସ ଗିରଫ କରିଛି।
ଗତକାଲି ସନ୍ଧ୍ୟାରେ ଭାଲୁଗୁହା ଗାଁର ଗୁରୁଚରଣ କିସାନଙ୍କ ବଡ଼ପୁଅ ମିଶ୍ର କିସାନ ନିଶାସକ୍ତ ଅବସ୍ଥାରେ ଘରକୁ ଆସିଥିଲେ। ଘରର କୌଣସି କଥାକୁ ନେଇ ବାପା ଗୁରୁଚରଣଙ୍କ ସହିତ ତାଙ୍କର ଯୁକ୍ତିତର୍କ ହୋଇଥିଲା। ଏହି ସମୟରେ ଉତ୍କ୍ଷିପ୍ତ ହୋଇ ମିଶ୍ର କିସାନ ତାଙ୍କ ବାପାଙ୍କୁ ଏକ ଠେଙ୍ଗାରେ ଆକ୍ରମଣ କରିଥିଲେ। ତିନି ସାନ ଭାଇଙ୍କ ସାମ୍ନାରେ ସେ ତାଙ୍କ ବାପାଙ୍କୁ ପିଟି ମାରି ଦେଇଥିଲେ।
Also Read
ଏହି ଘଟଣା ବେଳେ ଗୁରୁଚରଣଙ୍କ ପତ୍ନୀ ବୁଦୁନୀ କିସାନ ଘରେ ନଥିଲେ। ସେ ଘରକୁ ଫେରିବା ପରେ ବାପାଙ୍କୁ କାହିଁକି ମାରିଲୁ ବୋଲି ପୁଅ ମିଶ୍ର କିସାନକୁ ପଚାରିଥିଲେ। ଏଥିରେ ଉତ୍କ୍ଷିପ୍ତ ହୋଇ ମିଶ୍ର କିସାନ ଠେଙ୍ଗାରେ ତାଙ୍କ ମା’ଙ୍କୁ ମଧ୍ୟ ପିଟିଥିଲେ। ପୁଅର ଠେଙ୍ଗା ମାଡ଼ରେ ବୁଦୁନୀ କିସାନ ଆହତ ହୋଇଛନ୍ତି।
ଘଟଣା ସଂପର୍କରେ ଗୁରୁଚରଣଙ୍କ ମଝିଆଁ ପୁଅ ଲଇମୁରା ଥାନାରେ ଲିଖିତ ଅଭିଯୋଗ କରିଥିଲେ। ତା’ପରେ ମିଶ୍ର କିସାନଙ୍କୁ ପୁଲିସ ଗିରଫ କରିଥିଲା। ପୁଲିସ୍ ଘଟଣାର ତଦନ୍ତ କରୁଛି।
ଦେବଗଡ଼ରୁ ସିଦ୍ଧାର୍ଥ ଗୁରୁଙ୍କ ରିପୋର୍ଟ
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
