ନିଜକୁ ନିଜେ ଗୁଳି କରି ଜୀବନ ହାରିଛନ୍ତି ଜଣେ ୪୫ ବର୍ଷୀୟ ସାମ୍ବାଦିକ। ରାଜସ୍ଥାନର ଉଦୟପୁରରେ ରହୁଥିବା ଏହି ସାମ୍ବାଦିକ ଜଣଙ୍କ ଆତ୍ମହତ୍ୟା କରିବା ପୂର୍ବରୁ ସୋଶାଲ ମିଡିଆ ପ୍ଲାଟଫର୍ମ ଫେସବୁକରେ ଗୋଟିଏ ପୋଷ୍ଟ କରିଥିଲେ। ଏଥିରେ ସେ ଆତ୍ମହତ୍ୟା କରିବା ପାଇଁ ତାଙ୍କ ପତ୍ନୀ ଓ ତାଙ୍କ ଗର୍ଲଫ୍ରେଣ୍ଡ ଉଭୟଙ୍କୁ ଦାୟୀ କରିଛନ୍ତି।
ଆତ୍ମହତ୍ୟା କରିଥିବା ବ୍ୟକ୍ତି ଜଣଙ୍କ ହେଉଛନ୍ତି ଭାରତ ମିଶ୍ରା। ସେ ରାଜସ୍ଥାନର ଗୋଟିଏ ଆଞ୍ଚଳିକ ଗଣମାଧ୍ୟମରେ କାମ କରନ୍ତି। ସେ ଗୋବର୍ଦ୍ଧନବିଲାସ ଅଞ୍ଚଳରେ ଥିବା ତାଙ୍କ ଗର୍ଲଫ୍ରେଣ୍ଡ ବିନ୍ସି ପରେରାଙ୍କ ଘରେ ହିଁ ଜୀବନ ହାରିଛନ୍ତି।
Also Read
ପୁଲିସ୍ କହିଛି ଯେ ଗୁରୁବାର ମଧ୍ୟାହ୍ନରେ ଭାରତ ମିଶ୍ରା ଓ ତାଙ୍କ ଗର୍ଲଫ୍ରେଣ୍ଡ ବିନ୍ସିଙ୍କ ମଧ୍ୟରେ ଫୋନ ଯୋଗେ ପ୍ରବଳ ପାଟିତୁଣ୍ଡ ହୋଇଥିଲା। ସେହିଦିନ ସନ୍ଧ୍ୟାରେ ଭାରତ ଆତ୍ମହତ୍ୟା କରିଛନ୍ତି।
ଭାରତ ବିବାହିତ ହୋଇଥିଲେ ମଧ୍ୟ ବିନ୍ସିଙ୍କ ସହ ସମ୍ପର୍କ ରଖିଥିଲେ। ଏକଥା ତାଙ୍କ ପତ୍ନୀ କୌଶଲ୍ୟା ଜାଣିବା ପରେ ପରିବାରରେ ଝଡ଼ ସୃଷ୍ଟି ହୋଇଥିଲା। ବିନ୍ସି ମଧ୍ୟ ଭାରତ ବିବାହିତ ବୋଲି ଜାଣି ତାଙ୍କ ସହ ଝଗଡ଼ା କରୁଥିଲେ।
ଦୁଇ ଡଙ୍ଗାରେ ପାଦ ଦେଇ ମଝିରେ ଫସି ଯାଇଥିଲେ ଭାରତ। ଦିନକୁ ଦିନ ତାଙ୍କ ଅଡ଼ୁଆ ବଢ଼ିବାରେ ଲାଗିଥିଲା। ଉଭୟ କୌଶଲ୍ୟା ଓ ବିନ୍ସି ତାଙ୍କ ଜୀବନକୁ ତଳି ତଳାନ୍ତ କରିପକାଇଥିଲେ। ତେଣୁ ଉଭୟଙ୍କ ପାଇଁ ସେ ଜୀବନ ହାରୁଥିବା କଥା ଆତ୍ମହତ୍ୟା ପୂର୍ବରୁ ଫେସବୁକରେ ଲେଖିଥିବା ପୁଲିସ୍ କହିଛି।
ଘଟଣା ପରେ ଭାରତ ମିଶ୍ରାଙ୍କ ଶବକୁ ବ୍ୟବଚ୍ଛେଦ କରାଯାଇଥିଲା। ଫରେନ୍ସି ଯାଞ୍ଚ ପରେ ଶୁକ୍ରବାର ତାଙ୍କ ମୃତଦେହ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
