ଗତ ରବିବାର ପିଉସୀ ଘରକୁ ଯାଇଥିଲେ ନାବାଳିକା। ଗତକାଲି ଜଙ୍ଗଲରୁ ମିଳିଲା ନାବାଳିକାଙ୍କ ମୃତଦେହ। ସୁନ୍ଦରଗଡ଼ ଜିଲ୍ଲା ଲହୁଣୀପଡ଼ା ଥାନା ଅନ୍ତର୍ଗତ ଭଳିଆ ଡ଼ିହି ଗ୍ରାମରେ ଏହି ଘଟଣା ଘଟିଛି। ନାବାଳିକାଙ୍କୁ ହତ୍ୟା କରାଯାଇଥିବା ପରିବାର ଲୋକେ ଅଭିଯୋଗ କରିଛନ୍ତି।
ଗତ ରବିବାର ଦିନ ନାବାଳିକା ଜଣଙ୍କ ପିଉସୀ ଘର ହଳଦୀକାଣ୍ଟିକୁ ଯାଇଥିଲା। ବୁଧବାର ସକାଳେ ନାବାଳିକା ଜଣଙ୍କ ପିଉସୀ ଘରେ ନଥିଲେ। ପିଉସୀ ଘର ଲୋକେ ଓ ନାବାଳିକାଙ୍କ ପରିବାର ଲୋକେ ଚାରିଆଡ଼େ ତାଙ୍କୁ ଖୋଜାଖୋଜି କରିଥିଲେ, ହେଲେ ପାଇ ନଥିଲେ। ଏନେଇ ଥାନାରେ ଅଭିଯୋଗ କରିଥିଲେ ପରିବାର ଲୋକେ।
Also Read
ଗତକାଲି ସନ୍ଧ୍ୟାରେ ନାବାଳିକାଙ୍କ ମୃତଦେହକୁ ପିଉସୀଙ୍କ ଗାଁ ନିକଟରେ ଥିବା ଜଙ୍ଗଲରୁ ମିଳିଥିଲା। ପୁଲିସ ନାବାଳିକାଙ୍କ ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି। ନାବାଳିକାଙ୍କ ଶରୀରର ବିଭିନ୍ନ ସ୍ଥାନରେ କ୍ଷତି ଚିହ୍ନ ରହିଛି। ନାବାଳିକାଙ୍କୁ ହତ୍ୟା କରାଯାଇଥିବା ପରିବାର ଲୋକେ ଅଭିଯୋଗ କରିଛନ୍ତି। ପୁଲିସ ଘଟଣାର ତଦନ୍ତ କରୁଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
