ହସଖୁସିରେ ଘରୁ ସ୍କୁଲ ଯାଉଥିଲା କୁନି ଝିଅ। ଆଉ କିଛି ସମୟ ପରେ ସ୍କୁଲରେ ପହଞ୍ଚିଥାନ୍ତା। ମାତ୍ର ସ୍କୁଲରେ ପହଞ୍ଚିବା ପୂର୍ବରୁ ନିଷ୍ପାପ ଶିଶୁ ଉପରେ ଲୋଲୁପ ଦୃଷ୍ଟି ପକାଇଲେ ଜଣେ ନାବାଳକ । ଆଉ ଜୋରଜବରଦସ୍ତ ତାଙ୍କ ଦୁଷ୍କର୍ମ କରିବାକୁ ପଛାଇଲେ ନାହିଁ। ଏପରି ଏକ ଲଜ୍ଜାଜନକ ଘଟଣା ଗତକାଲି ବାଲେଶ୍ୱର ଜିଲ୍ଲା ନୀଳଗିରି ଥାନା ଅଞ୍ଚଳରେ ଘଟିଛି।
ପୀଡ଼ିତା ନାବାଳିକାଜଣକ ତୃତୀୟ ଶ୍ରେଣୀ ଛାତ୍ରୀ ହୋଇଥିବା ବେଳେ ଅଭିଯୁକ୍ତ ନାବାଳକଙ୍କ ବୟସ ୧୭ ବର୍ଷ ହେବ ବୋଲି ଜଣାଯାଇଛି। ଏହି ଘଟଣାରେ ପୁଲିସ୍ ସମ୍ପୃକ୍ତ ନାବାଳକଙ୍କୁ ଅଟକ ରଖି ପଚରାଉଚରା କରୁଛି।
ଗତକାଲି ନାବାଳିକାଜଣକ ଏକୁଟିଆ ନିଜ ଘରୁ ସ୍କୁଲ ଅଭିମୁଖେ ଯାଉଥିଲେ। ବାଟରେ ନିଛାଟିଆ ରାସ୍ତାରେ ସେ ଯାଉଥିବା ବେଳେ ନାବାଳକଜଣକ ତାଙ୍କୁ ପ୍ରବର୍ତ୍ତାଇ ନିଛାଟିଆ ସ୍ଥାନକୁ ନେଇ ଯାଇଥିଲେ। ଏହାପରେ ଜୋରଜବରଦସ୍ତ ତାଙ୍କ ସହ ଦୁଷ୍କର୍ମ କରିଥିଲେ।
Also Read
ନାବାଳିକାଜଣକ କାନ୍ଦି କାନ୍ଦି ଘରକୁ ଫେରି ସବୁ କଥା କହିଥିଲେ। ଏହାଶୁଣି ପରିବାର ଲୋକେ ତୁରନ୍ତ ନିଳଗିରି ଥାନାରେ ଅଭିଯୋଗ କରିଥିଲେ। ପୁଲିସ୍ ଘଟଣାର ତଦନ୍ତ ଆରମ୍ଭ କରି ନାବାଳିକାଙ୍କୁ ଡାକ୍ତରୀ ମାଇନା ପାଇଁ ପଠାଇବା ସହ ନାବଳକଙ୍କୁ ଥାନାରେ ଅଟକ ରଖିଛି। ଏହି ଘଟଣାକୁ ନେଇ ଗାଁରେ ଚାପା ଉତ୍ତେଜନା ଦେଖାଦେଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
