ଜଳଖିଆ ଦୋକାନ ଭିତରେ ସାତ ବର୍ଷର ଶିଶୁକନ୍ୟାକୁ ଜଣେ ଯୁବକଙ୍କ ଅସଦାଚରଣ କରିଥିବା ଅଭିଯୋଗ ହୋଇଛି। ଉତ୍ତ୍ୟକ୍ତ ଲୋକେ ଯୁବକଟିକୁ କାବୁ କରି ନିସ୍ତୁକ ମାଡ଼ ମାରିବା ସହ ପୁଲିସ ଜିମାରେ ଦେଇଛନ୍ତି। ଏପରି ଘଟଣା ଘଟିଛି ପାରାଦୀପ ଲକ ଥାନା ଅଞ୍ଚଳରେ। ପରିବାର ଲୋକଙ୍କ ଲିଖିତ ଅଭିଯୋଗରେ ପୁଲିସ ଅଭିଯୁକ୍ତ ଯୁବକକୁ ଗିରଫ କରିଛି। ଅଭିଯୁକ୍ତର ଘର ମାର୍ଶାଘାଇ ଥାନା ହଳଦିଆରେ ବୋଲି ଜଣାଯାଇଛି।
ଗତକାଲି ସନ୍ଧ୍ୟାରେ ଶିଶୁକନ୍ୟାଟି ନିଜ ଜେଜେଙ୍କ ସହ ଜଳଖିଆ ଖାଇବାକୁ ଦୋକାନକୁ ଆସିଥିଲା। ଦୋକାନର ବେଞ୍ଚରେ ବସି ଜଳଖିଆ ଖାଉଥିଲା। ସେହି ସମୟରେ ଜଣେ ଯୁବକ ମଧ୍ୟ ସେହି ବେଞ୍ଚରେ ବସି ଜଳଖିଆ ଖାଉଥିଲା। ଅଭିଯୁକ୍ତ ଜଣଙ୍କ ପ୍ରଥମେ ନାବାଳିକା ସହ କିଛି ସମୟ ସହ କଥା ହୋଇଥିଲା। ପରେ ଶିଶୁକନ୍ୟାଟିକୁ ଅଭିଯୁକ୍ତ ଜଣଙ୍କ ନିଜ କୋଳରେ ନେଇ ବସାଇଥିଲା। ଏଥିସହ ଯୁବକ ଜଣଙ୍କ ଶିଶୁକନ୍ୟାକୁ ଅସଦାଚରଣ କରିଥିବା ଅଭିଯୋଗ ହୋଇଛି।
Also Read
ଜେଜେ ଏହା ଦେଖି ଜୋରରେ ପାଟି କରିଥିଲେ। ପରେ ସେଠାରେ ଥିବା ଲୋକେ ଅଭିଯୁକ୍ତକୁ ଘେରି ଯାଇ ନିର୍ଧୂମ ମାଡ଼ ମାରିବା ସହ ପୁଲିସ ଜିମାରେ ଦେଇଥିଲେ।ପୁଲିସ ଉଭୟଙ୍କର ଡାକ୍ତରୀମାଇନା କରିଥିବା ଜଣାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
