ରାତି ଅଧରେ ଘରେ ପଶି ବନ୍ଧୁକ ମୁନରେ ଲୁଟି ନେଲେ ଟଙ୍କା ଓ ସୁନା ଗହଣା। ନବରଙ୍ଗପୁର ଜିଲ୍ଲା ଡଙ୍ଗରଭେଜା ଗାଁର ଏପରି ଘଟଣା ଘଟିଛି। ଏନେଇ ଥାନାରେ ଅଭିଯୋଗ ହୋଇଛି।
ଗତକାଲି ବିଳମ୍ବିତ ରାତିରେ ଡଙ୍ଗରଭେଜା ଗାଁର ରହୁଥିବା ଜଣେ ବ୍ୟବସାୟୀ ସୁନିଲ ସାହୁଙ୍କ ଘରେ ୮ଜଣ ମୁଖା ପିନ୍ଧା ଦୁର୍ବୃତ୍ତ ପଶିଥିଲେ। ଘରେ ଥିବା ପରିବାର ସଦସ୍ୟଙ୍କୁ ବନ୍ଧୁକ ଦେଖାଇ ଭୟଭୀତ କରିଥିଲେ। ଟଙ୍କା ଓ ସୁନା ଦେବାକୁ କହିଥିଲେ। ପରେ ଲୁଟେରାମାନେ ସୁନିଲଙ୍କ ଘରେ ଥିବା ଆଲମାରି ଭାଙ୍ଗି ଟଙ୍କାସୁନା ନେବାକୁ ଚେଷ୍ଟା କରିଥିଲେ। ହେଲେ କିଛି ପାଇ ନଥିଲେ।
Also Read
ପରେ ଲୁଟେରାମାନେ ସୁନିଲଙ୍କ ଘରେ ଭଡ଼ା ରହିଥିବା ଜଣେ ଶିକ୍ଷୟିତ୍ରୀଙ୍କ ଘରେ ପଶିଥିଲେ। ପରିବାର ସଦସ୍ୟଙ୍କୁ ବନ୍ଧୁକ ଦେଖାଇ ଭୟଭୀତ କରି ଟଙ୍କା ଓ ସୁନା ଗହଣା ନେଇ ଚମ୍ପଟ ମାରିଥିଲେ। ପ୍ରାୟ ୮ ଲକ୍ଷ ଟଙ୍କାର ସୁନା ଗହଣା ଲୁଟେରା ନେଇଯାଇଥିବା ଶିକ୍ଷୟିତ୍ରୀ ଅଭିଯୋଗ କରିଛନ୍ତି। ଏନେଇ ଡଙ୍ଗରଭେଜା ଫାଣ୍ଡିରେ ଅଭିଯୋଗ ହୋଇଛି। ପୁଲିସ ଘଟଣାର ତଦନ୍ତ କରୁଛି।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
