ଛତିଶଗଡ଼ରେ ଆଜି ଦ୍ୱିତୀୟ ପର୍ଯ୍ୟାୟ ବିଧାନସଭା ନିର୍ବାଚନ ଚାଲିଥିବା ବେଳେ ହୋଇଛି ନକ୍ସଲି ହାମଲା। ଧମତରିରେ CRPF ଓ DRG ର ଟିମ୍ ଉପରକୁ ହୋଇଛି ନକ୍ସଲି ହାମଲା। ତେବେ ଏଥିରେ କେହି ମୃତାହତ ହୋଇ ନ ଥିବା ଜଣାଯାଇଛି।
ଆଜି ଛତିଶଗଡ଼ରେ ନିର୍ବାଚନ ହେଉଥିବା ବେଳେ ଗତକାଲି ନକ୍ସଲମାନେ ଏହାକୁ ବହିଷ୍କାର କରି ବ୍ୟାନର-ପୋଷ୍ଟର ଲଗାଇଥିଲେ। ତେଣୁ କୌଣସି ହିଂସାତ୍ମକ ଘଟଣା ଆଶଙ୍କାରେ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଥିଲା। ବହୁ ସଂଖ୍ୟାରେ ସୁରକ୍ଷା କର୍ମୀ ରାଜ୍ୟର ବିଭିନ୍ନ ସ୍ଥାନରେ ମୁତୟନ ହୋଇଛନ୍ତି।
Also Read
ଏପରି ସ୍ଥିତିରେ CRPF ଓ DRG ଟିମ୍ ଧମତରିରେ ସୁରକ୍ଷା ବ୍ୟବସ୍ଥା ଯାଞ୍ଚ କରୁଥିବା ବେଳେ ସେମାନଙ୍କ ଉପରକୁ ନକ୍ସଲମାନେ IED ବ୍ଲାଷ୍ଟ କରିଥିଲେ। ଉକ୍ତ ସମୟରେ ବାଇକ୍ରେ ଯାଉଥିବା ୨ ସିଆରଫିଏଫ ଯବାନ ଏହି ଆକ୍ରମଣରୁ ବର୍ତ୍ତି ଯାଇଛନ୍ତି। ଏହି ବ୍ଲାଷ୍ଟିଂ ଯୋଗୁ କେହି ମୃତାହତ ହୋଇ ନାହାନ୍ତି। ମାତ୍ର ଏହା ପରେ ସର୍ଚ୍ଚ ଅପରେସନକୁ ଜୋରଦାର କରାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
