OR 
ସ୍ୱାମୀ-ସ୍ତ୍ରୀ କାର୍ରେ ଗଞ୍ଜେଇ ଧରି ଯାଉଥିଲେ। ରାସ୍ତାରେ ପୁଲିସ୍କୁ ଦେଖି କାରରେ ପତ୍ନୀଙ୍କୁ ଛାଡ଼ି ଚମ୍ପଟ ମାରିଲେ ସ୍ୱାମୀ। ଏପରି ଘଟଣା ନୟାଗଡ଼ ଜିଲ୍ଲା ଦଶପଲ୍ଲା ଥାନା ଅଞ୍ଚଳରେ ଘଟିଛି। ପୁଲିସ କାର ଭିତରୁ ବହୁ ପରିମାଣର ଗଞ୍ଜେଇ ଜବତ କରିଛି।
ଶୁକ୍ରବାର ଦଶପଲ୍ଲା ଥାନା ରଙ୍ଗମାଟିଆ ଛକ ନିକଟସ୍ଥ ଟୋଲ ଗେଟ୍ ନିକଟରେ ପୁଲିସ ପାଟ୍ରୋଲିଂ କରୁଥିଲା। ଠିକ୍ ସେହି ସମୟରେ ଫୁଲବାଣୀରୁ କଟକ ଅଭିମୁଖେ ଆସୁଥିଲା OR-24-4377 ନମ୍ବର ଅଲ୍ଟୋ କାର୍। ତେବେ ହଠାତ୍ କାର ଚଳାଉଥିବା ନିହାର ରଞ୍ଜନ ଓଝା ରାସ୍ତା ବଦଳାଇ ପଳାଇ ଯାଇଥିଲେ।
Also Read
ବିଚ୍ ରାସ୍ତାରେ ଚାଳକ ଗାଡ଼ି ବୁଲାଇ ପଳାଇଯିବା ଦେଖି ପୁଲିସ୍ ମନରେ ସନ୍ଦେହ ହୋଇଥିଲା। ପରେ ପୁଲିସ୍ ସେହି ଅଲ୍ଟୋ କାର୍କୁ ପିଛା କରିଥିଲା। କିଛି ସମୟ ଧରି ଚାଲିଲା ଗୋଡ଼ା ଗୋଡ଼ି। ଶେଷରେ ନିହାର ରଞ୍ଜନ ପତ୍ନୀ ଜୟସ୍ମିତାଙ୍କୁ କାରରେ ଛାଡ଼ି ଚମ୍ପଟ ମାରିଥିଲେ। ପୁଲିସ୍ ଜୟସ୍ମିତାଙ୍କୁ ଗିରଫ କରି କୋର୍ଟ ଚାଲାଣ କରିଛି। ଏଥିସହ କାରରୁ ୫୦ କିଲୋଗ୍ରାମ ଗଞ୍ଜେଇ ଜବତ କରିଛି। ଯାହାର ଆନୁମାନିକ ମୂଲ୍ୟ ପ୍ରାୟ ଦୁଇ ଲକ୍ଷ ପଚାଶ ହଜାର ଟଙ୍କା ହେବ ବୋଲି ଦଶପଲ୍ଲା ଥାନା ଅଧିକାରୀ ମୁକେଶ କୁମାର ବେହେରା କହିଛନ୍ତି। ଫେରାର ଥିବା ନିହାର ରଞ୍ଜନଙ୍କୁ ପୁଲିସ୍ ଧରିବା ପାଇଁ ଉଦ୍ୟମ ଚଳାଇଛି।
ରିପୋର୍ଟ-ଦଶପଲ୍ଲାରୁ ସଂଜୀବ ସାହୁ
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
