ମନରେ ଅସୁମାରୀ ଆଶା ନେଇ ମାତ୍ର ୮ ଦିନ ତଳେ ବାପ ଘରୁ ଶାଶୁ ଘରକୁ ଆସିଥିଲା ଝିଅ। ହାତରେ ମେହେନ୍ଦୀ,ମଥାରେ ସିନ୍ଦୂର ଦେଇ ସାଜିଥିଲା କନିଆ। ଶାଶୁ ଘରକୁ ନିଜର କରି ବାକି ଜୀବନ କାଟିବାକୁ ସ୍ୱପ୍ନ ବି ଦେଖିଥିଲା। ହେଲେ ଏହି ସ୍ୱପ୍ନ ଭାଙ୍ଗି ଚୂରମାର ହୋଇଗଲା। ଆରମ୍ଭ ହେଉ ହେଉ ଉଜୁଡ଼ି ଗଲା ସୁନାର ସଂସାର।
ଏପରି ଏକ ହୃଦୟ ବିଦାରକ ଘଟଣା ବାଲେଶ୍ୱର ଜିଲ୍ଲା ସୋର ଥାନା ଗୋପୀନାଥପୁର ପଞ୍ଚାୟତ ଉପରଗଡ଼ ଗାଁରେ ଘଟିଛି। ମୃତା ମହିଳାଜଣକ ହେଲେ ୨୨ ବର୍ଷୀୟା ଗୌରୀ ମୁଦୁଲି । ଗୌରୀଙ୍କ ବାପ ଘର ଖଇରା ଥାନା କୁପାରୀ କବର ଗାଁରେ । ୮ ଦିନ ତଳେ ସେ ଉପରଗଡ଼ ଗାଁର ବସନ୍ତ ସିଂଙ୍କୁ ବିବାହ କରିଥିଲେ l
ପରମ୍ପରା ଅନୁଯାୟୀ, ବିବାହ ପରେ ଗୌରୀ ନିଜ ଘରକୁ ଲୁଚିବା ପାଇଁ ଯାଇଥିବା ବେଳେ ଗତକାଲି ଶ୍ୱଶୁର ଘରକୁ ଫେରିଥିଲେ l ହେଲେ ଆଜି ଶାଶୁ ଘର ଆଗରେ ଥିବା ଜଙ୍ଗଲର ଏକ ଗଛରେ ତାଙ୍କ ମୃତଦେହ ଝୁଲନ୍ତା ଅବସ୍ଥାରେ ଥିବା ଦେଖିବାକୁ ମିଳିଥିଲା।
Also Read
ପୁଲିସ୍ ଘଟଣା ସ୍ଥଳରେ ପହଞ୍ଚି ତଦନ୍ତ କରୁଛି । ଶାଶୁ ଘର ଲୋକେ ଗୌରୀଙ୍କୁ ହତ୍ୟା କରି ଦେଇଥିବା ତାଙ୍କ ବାପ ଘର ଲୋକ ଅଭିଯୋଗ କରିଛନ୍ତି। ପୁଲିସ୍ ଗୌରୀଙ୍କ ସ୍ୱାମୀ ସମେତ ଅନ୍ୟ ଶାଶୁ ଘର ସଦସ୍ୟଙ୍କୁ ପଚରାଉଚରା କରୁଛି।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
