OR 
ବାଲେଶ୍ୱର ଜିଲ୍ଲା ନୀଳଗିରି କୁଳଡିହା ମିରିଗିନ୍ ପଥର ଖଣିରୁ ପଥର ଉତ୍ତୋଳନ ଅନୁମତି ପ୍ରଦାନ ପ୍ରସଙ୍ଗରେ ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କୁ ନୋଟିସ୍ ଜାରି କରିଛି ଏନଜିଟି। କୁଲଡିହା ଅଭୟାରଣ୍ୟର ଏକ କିଲୋମିଟର ଭିତରେ ମିରିଗିନି ଅଞ୍ଚଳ ଆସୁଥିବା ବେଳେ ଏଠାରୁ କିପରି ପଥର ଖନନ ଅନୁମତି ପ୍ରଦାନ କରାଗଲା ସେ ନେଇ ଉତ୍ତର ଦେବାକୁ ନିର୍ଦ୍ଦେଶ ଦେଇଛନ୍ତି ଏନଜିଟି।
କୁଲଡିହା ଅଭୟାରଣ୍ୟର ଭିତର ଏକ କିଲୋମିଟର ପରିଧି ପରିବେଶ-ସମ୍ବେଦନଶୀଳ ଅଞ୍ଚଳ ବା ଇକୋ ସେନ୍ସେଟିଭି ଜୋନ୍। ଏହି ଅଞ୍ଚଳ ମଧ୍ୟରେ କୌଣସି ନିର୍ମାଣ କିମ୍ବା ଖନନ କାର୍ଯ୍ୟକଳାପକୁ ବାରଣ କରାଯାଇଛି। ମାତ୍ର ଏହି ଅଞ୍ଚଳରେ ଖଣି ଖନନ ପାଇଁ କେମିତି ଅନୁମତି ଦିଆଗଲା ତାହାକୁ ନେଇ ଏନ୍ଜିଟିରେ ମାମଲା ବିଚାର ଚାଲିଛି।
Also Read
କେନ୍ଦ୍ର ପରିବେଶ ମନ୍ତ୍ରଣାଳୟ, ଜଙ୍ଗଲ ଏବଂ ଜଳବାୟୁ ପରିବର୍ତ୍ତନ, ରାଜ୍ୟ ପରିବେଶ ଇମ୍ପାକ୍ଟ ଆସେସମେଣ୍ଟ ଅଥରିଟି, ଓଡିଶା ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡ୍, ବାଲେଶ୍ୱର ଜିଲ୍ଲାପାଳ ଏବଂ ନୀଳଗିରି ତହସିଳଦାରଙ୍କୁ ୪ ସପ୍ତାହ ମଧ୍ୟରେ ରିପୋର୍ଟ ଦେବାକୁ ନିର୍ଦ୍ଦେଶରେ କୁହାଯାଇଛି। ଏହି ପରିବେଶ ସମ୍ୱେଦନଶୀଳ ଅଞ୍ଚଳରେ ଏକ ବର୍ଷ ପାଇଁ ୨୧ ହଜାର ୨୫୨ କ୍ୟୁବିକ୍ ମିଟ୍ ପଥରର ଉତ୍ତୋଳନ ପାଇଁ ଗତକର୍ଷ ଡିସେମ୍ବର ୨୬ ତାରିଖରେ ସୁବର୍ଣ୍ଣରେଖା ପୋର୍ଟ ପ୍ରାଇଭେଟ ଲିମିଟେଡକୁ ଅନୁମତି ଦେଇଥିଲେ ନୀଳଗିରି ତହସିଲଦାର।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
