ନୂଆପଡା: କୋମନା ଥାନା ଗୁଦୁମା ଗାଁରେ ସ୍ୱାମୀର ଟାଙ୍ଗିଆ ଚୋଟରେ ସ୍ତ୍ରୀର ମୃତ୍ୟୁ ଘଟିଛି। ପରିବାରର ଆଉ ୪ ଜଣ ସଦସ୍ୟ ମଧ୍ୟ ଗୁରୁତର ହୋଇଛନ୍ତି। ଅଭିଯୁକ୍ତକୁ ପୋଲିସ ଗିରଫ କରିଛି।
ଗୁଦୁମା ଗାଁର କହଁଲ ସିଂମାଝୀ ଓ ତାଙ୍କ ସ୍ତ୍ରୀ ବିମଳାଙ୍କ ମଧ୍ୟରେ କୌଣସି କାରଣରୁ ଗୁରୁବାର ସନ୍ଧ୍ୟାରେ ଝଗଡା ହୋଇଥିଲା। ଝଗଡା ବେଳେ କହଁଲ ଉତ୍ତ୍ୟକ୍ତ ହୋଇ ବିମଳାଙ୍କୁ ଆକ୍ରମଣ କରିଥିଲେ। ବିମଳାଙ୍କୁ ବଞ୍ଚାଇବାକୁ ଯାଇ କହଁଲଙ୍କ ଭାଉଜ ଓ ଭାଇ ବୋହୂ ଆହତ ହୋଇଥିଲେ। ତେବେ ଏତିକିରେ ଶାନ୍ତ ପଡି ନଥିଲା କହଁଲ। ସେ ନିଜର ଦୁଇ ପୁଅ (ଜଣେ ବର୍ଷକର ଓ ଆଉ ଜଣେ ୪ ମାସର)ଙ୍କୁ ମଧ୍ୟ ଟାଙ୍ଗିଆରେ ଆଘାତ ଦେଇଥିଲା। ଏହି ୪ ଜଣଙ୍କୁ ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି କରାଯାଇଥିବା ବେଳେ ବିମଳାଙ୍କ ମୃତ୍ୟୁ ଘଟିଥିଲା। ଅଭିଯୁକ୍ତ କହଁଲ ସିଂମାଝୀ ପୋଲିସ ଗିରଫ କରିଛି। ଘଟଣା ସ୍ଥଳରୁ ପୋଲିସ ଟାଙ୍ଗିଆ ଜବତ କରିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।