ଅଟଳ ସେତୁର ଏପଟ ସପଟୁ ଆସୁଥାଏ ଗାଡ଼ି ମୋଟର। ଭିଡ଼ ରାସ୍ତା ମଝିରେ ଅଟକି ଥିଲା ଏକ ଟାଟା ନେକ୍ସନ କାର୍। ଆଉ କାର୍ ଭିତରୁ ବାହାରକୁ ବାହାରିଥିଲେ ଜଣେ ଯୁବକ। କେହି କିଛି କହିବା ଆଗରୁ ଉକ୍ତ ଯୁବକ ଜଣକ ପୋଲର ରେଲିଂ ଉପରୁ ଡେଇଁ ପଡ଼ିଛନ୍ତି।
ବୁଧବାର ଅପରାହ୍ନରେ ମୁମ୍ବାଇର ଟ୍ରାନ୍ସ ହାର୍ବୋର ଲିଙ୍କ୍ ତଥା ଅଟଳ ସେତୁରେ ଘଟିଛି ଏହି ଘଟଣା। ମୃତକ ଜଣକ ହେଉଛନ୍ତି ଇଞ୍ଜିନିୟର କେ ଶ୍ରୀନିବାସ। ସେ ଏକ ଆଇଟି କମ୍ପାନୀର ଇଞ୍ଜିନିୟର ଥିଲେ। ପରିବାର ସହ ମୁମ୍ବାଇର ବୋମ୍ବିଭିଲିରେ ରହୁଥିଲେ। ସେ ଆତ୍ମହତ୍ୟା କରିବା ସମୟର ଦୃଶ୍ୟ ସିସିଟିଭିରେ କଏଦ ହୋଇଛି।
Also Read
ପରିବାର ସଦସ୍ୟଙ୍କ କହିବା ଅନୁସାରେ, ଶ୍ରୀନିବାସ ଆର୍ଥିକ ସଙ୍କଟ ଦେଇ ଗତି କରୁଥିଲେ। ଏହାକୁ ନେଇ ଏପରି ଚରମ ନିଷ୍ପତ୍ତି ନେଇଥାଇ ପାରନ୍ତି। 2023ରେ ମଧ୍ୟ ସେ ଆତ୍ମହତ୍ୟା ଉଦ୍ୟମ କରିଥିଲେ। କୁଏତରେ କାମ କରୁଥିବା ବେଳେ ଫିନାଇନ ପିଇ ଦେଇଥିଲେ ଶ୍ରୀନିବାସ।
ପୁଲିସ ସୂଚନା ଅନୁସାରେ, ଶ୍ରୀନିବାସ ମଙ୍ଗଳବାର ରାତି ପ୍ରାୟ ସାଢେ ଏଗାରଟାରେ ଘରୁ ପଳାଇ ଆସିଥିଲେ। ପୋଲରୁ ଡେଇଁବାର କିଛି ସମୟ ପୂର୍ବରୁ ଫୋନରେ ସ୍ତ୍ରୀ ଓ ଚାରି ବର୍ଷର ଝିଅ ସହ କଥା ହୋଇଥିଲେ।
ଖବର ଲେଖା ହେବା ସୁଦ୍ଧା ଶ୍ରୀନାବାସଙ୍କ ପତ୍ତା ମିଳିନଥିଲା। ନାଭି ମୁମ୍ବାଇ ପୁଲିସ, ଅଟଳ ସେତୁ ଉଦ୍ଧାରକାରୀ ଟିମ୍ ଏବଂ ସ୍ଥାନୀୟ ମତ୍ସ୍ୟଜୀବୀ ଉଦ୍ଧାରକାର୍ଯ୍ୟରେ ନିୟୋଜିତ ଅଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
