ବଲାଙ୍ଗିର ନିଖିଳନଗରରେ ଯୁକ୍ତ ଦୁଇ ଛାତ୍ରୀ ଶେଷାଦ୍ରୀ ନାଗଙ୍କୁ କିଏ ହତ୍ୟା କରିଛି? ଏହାର ଗୁମର ଖୋଲିପାରେ ମୃତଦେହ ନିକଟରୁ ମିଳିଥିବା କଣ୍ଡେଇ। ଗତକାଲି ଶେଷାଦ୍ରୀଙ୍କ ମୃତଦେହ ନିକଟରୁ ଏକ କଣ୍ଢେଇ ମିଳିଥିଲା। ପୁଲିସ ଏହି କଣ୍ଢେଇକୁ ଜବତ କରି ଖୋଳତାଡ଼଼ ଆରମ୍ଭ କରିଛି। ସନ୍ଧାନୀ କୁକୁର ମଧ୍ୟ କଣ୍ଢେଇକୁ ଶୁଂଘି ବିଭିନ୍ନ ଜାଗାକୁ ଯାଇଥିବା ଜଣାପଡ଼ିଛି। ବିଭିନ୍ନ ଦିଗରୁ ଖୋଳତାଡ଼ ଜାରି ରହିଥିବା ବେଳେ ହତ୍ୟାକାରୀକୁ ଏହି କଣ୍ଢେଇ ବୋଲି ଧରା ପକାଇପାରେ ବୋଲି ସନ୍ଦେହ କରାଯାଉଛି।
ଗତକାଲି ସକାଳେ ବାପା ମା’ କାମକୁ ଯାଇଥିବା ବେଳେ ଶେଷାଦ୍ରୀ ଘରେ ଏକା ଥିଲେ। ଏହି ସମୟରେ କେହି ଦୁର୍ବୃତ୍ତ ଶେଷାଦ୍ରୀଙ୍କୁ ତଣ୍ଟିକାଟି ହତ୍ୟା କରି ଫେରାର ହୋଇଯାଇଥିଲା। ବାପାମା’ ଘରକୁ ଫେରି ଝିଅ ରକ୍ତଜୁଡୁବୁଡ଼ୁ ମୃତଦେହ ପଡ଼ିଥିବା ଦେଖିଥିଲେ। ଝିଅର ମୃତଦେହ ପାଖରୁ ଏକ କଣ୍ଡେଇ ପଡ଼ିଥିବା ଦେଖିବାକୁ ପାଇଥିଲେ। ପୁଲିସ ଏହି କଣ୍ଡେଇକୁ ଜବତ କରି ଖୋଳତାଡ଼ ଜାରି ରଖିଛି। ଏହା ସହ ବିଭିନ୍ନ ଦିଗକୁ ନେଇ ଘଟଣା ତଦନ୍ତ କରୁଛି। ପୁଲିସ ଏହି ଘଟଣାରେ ଜଣଙ୍କୁ ଅଟକ ରଖିଥିବା ଜଣାପଡ଼ିଛି।
Also Read
ପୁଲିସ କଣ୍ଡେଇକୁ ନେଇ ଘଟଣାର ତଦନ୍ତ କରୁଛି ଶେଷାଦ୍ରୀଙ୍କୁ କିଏ ଓ କାହିଁକି ହତ୍ୟା କଲା, ହତ୍ୟା ପଛରେ କେଉଁ କାରଣ ଲୁଚି ରହିଛି ତାହା ଏପର୍ଯ୍ୟନ୍ତ ଜଣାପଡ଼ି ନାହିଁ। ଶେଷାଦ୍ରୀଙ୍କ ପରିବାର ଲୋକେ ଝିଅର ହତ୍ୟାକୁ ମୁହଁ ଖୋଲି ନଥିବା ବେଳେ ପୁଲିସ ମଧ୍ୟ ତା’ ପକ୍ଷରୁ କୌଣସି ପ୍ରତିକ୍ରିୟା ରଖି ନାହିଁ।
କଣ୍ଡେଇ ସମ୍ପର୍କରେ ଶେଷାଦ୍ରୀଙ୍କ ମା’ କହିଛନ୍ତି, ଆମ ଘରେ ଏହି କଣ୍ଡେଇ ନଥିଲା। ଝିଅର ମୃତଦେହ ନିକଟରୁ ଏହି କଣ୍ଡେଇ ମିଳିଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
