OR 
ସ୍ୱାମୀ-ସ୍ତ୍ରୀ ଘରେ ଶୋଇଥିଲେ। ବିଳମ୍ୱିତ ରାତିରେ ଘର ଭିତରେ ପଶିଥିଲେ ପ୍ରେମିକ। ଆଉ ତା’ପରେ.....। ଏପରି ଅଭିଯୋଗ ଆସିଛି ବାଲେଶ୍ୱର ଜିଲ୍ଲା ସିଂଲା ଥାନା ଅଞ୍ଚଳରୁ।
ସିଂଲା ଥାନା ଅଞ୍ଚଳର ଜଣେ ମହିଳା ହେନା(ଛଦ୍ମନାମ)ଙ୍କୁ ଇଡଦା ଗାଁର ବିକାଶ ମଣ୍ଡଳ ଏକ ତରଫା ପ୍ରେମ କରୁଥିଲେ। ରାସ୍ତା ଘାଟରେ ଦେଖିଲେ ପ୍ରେମ ନିବେଦନ କରୁଥିଲେ। ହେଲେ ହେନା ତାଙ୍କୁ ବିରୋଧ କରୁଥିଲେ। ମାତ୍ର ସେ ବୁଝିବା ମୁଡ୍ରେ ନଥିଲେ। ବାରମ୍ୱାର ପ୍ରପୋଜ କରିବାରୁ ହେନା ତାଙ୍କ ସ୍ୱାମୀଙ୍କୁ ଘଟଣା ସମ୍ପର୍କରେ କହିଥିଲେ। ଏହାପରେ ହେନାଙ୍କ ସ୍ୱାମୀ ଏନେଇ ସ୍ଥାନୀୟ ସରପଞ୍ଚଙ୍କ ପାଖରେ ଅଭିଯୋଗ କରିଥିଲେ। ବୁଝାସୁଝା ପରେ ବିବାଦ ସମାଧାନ ହୋଇଥିଲା।
Also Read
ମଙ୍ଗଳବାର ରାତିରେ ହେନା ଓ ତାଙ୍କ ସ୍ୱାମୀ ଘରେ ଶୋଇଥିଲେ। ବିଳମ୍ୱିତ ରାତିରେ ବିକାଶ ଏକ ମାରଣାସ୍ତ୍ର ଧରି ହେନାଙ୍କ ଘର ଭିତରେ ପଶିଥିଲ। ଉଭୟ ସ୍ୱାମୀ ଓ ସ୍ତ୍ରୀକୁ ମରଣାନ୍ତକ ଅକ୍ରମଣ କରିବା ପାଇଁ ଉଦ୍ୟମ କରିଥିଲେ। ସେହି ସମୟରେ ସେମାନଙ୍କ ନିଦ ଭାଙ୍ଗି ଯାଇଥିଲା। ଆଉ ସେମାନେ କୌଶଳ କରି ଶୋଇବା ଘରୁ ବାହାରି ବାହାର ପଟୁ ତାଲା ପକାଇ ଦେଇଥିଲେ। ଚିତ୍କାର କରି ଗାଁ ଲୋକଙ୍କୁ ଡାକିଥିଲେ। ଗାଁ ଲୋକେ ବିକାଶକୁ ଧରି ବହେ ଛେଚିଥିଳେ। ପରେ ସିଂଲା ଥାନାକୁ ଖବର ଦେଇଥିଲେ। ପୁଲିସ ତାଙ୍କୁ ଥାନାରେ ରଖି ପଚରା ଉଚରା କରୁଛି।
ରିପୋର୍ଟ-ଜଳେଶ୍ୱରରୁ ଅଜିତ କୁମାର ଦାସ
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
