ନବରଙ୍ଗପୁର ଉମରକୋଟ ବ୍ଲକ ଧୋଡ୍ରା ଏସବିଆଇ ଏଟିଏମକୁ ଗ୍ୟାସ କଟରରେ କାଟି ୩୨ ଲକ୍ଷ ଟଙ୍କାରୁ ଅଧିକ ଲୁଟି ନେଲେ ଦୁର୍ବୃତ୍ତ। ଗତକାଲି ରାତିରେ ଲୁଟେରା ଏଭଳି ଲୁଟ୍ କରିଥିବା ଜଣାପଡିଛି। ଏଟିଏମକୁ ଭଙ୍ଗା ଅବସ୍ଥାରେ ଦେଖି ସ୍ଥାନୀୟ ଲୋକେ ଆଜି ପୁଲିସକୁ ଖବର ଦେଇଥିଲେ। ପୁଲିସ ତୁରନ୍ତ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲା।
ସେପଟେ ଯାଞ୍ଚ ପରେ ଏଟିଏମରୁ ୩୨ ଲକ୍ଷରୁ ଅଧିକ ଟଙ୍କା ଲୁଟ୍ ହୋଇଥିବା ଉମରକୋଟ ଶାଖାର ଆକାଉଣ୍ଟାଣ୍ଟ ପୁଲିସକୁ ସୂଚନା ଦେଇଛନ୍ତି। ଘଟଣା ପରେ ପୁଲିସ ସମସ୍ତ ସିସିଟିଭି ଫୁଟେଜକୁ ଆଧାର କରି ଯାଞ୍ଚ ଆରମ୍ଭ କରିଛି।
Also Read
କିଛି ଦନି ପୂର୍ବେ ଉମରକୋଟ ସହର ମୁଖ୍ୟ ରାସ୍ତାରେ ଥିବା ୬ ଟି ଦୋକାନରୁ ଲକ୍ଷାଧିକ ଟଙ୍କାର ଜିନିଷ ଚୋରି ହୋଇଥିଲା। ଦିନକୁ ଦିନ ଉମରକୋଟ ଅଞ୍ଚଳରେ ଚୋରି, ଡକାୟତ, ହତ୍ୟା, ମୁଖ୍ୟ ରାସ୍ତାରେ ଗୁଳି ମାଡ ଭଳି ଘଟଣା ବୃଦ୍ଧି ପାଉଛି। ଯାହା ପୁଲିସ ଲାଗି ଚ୍ୟାଲେଞ୍ଜ ସୃଷ୍ଟି କରିଛି।
ତେବେ ଏ ନେଇ ପୁଲିସର ପ୍ରତିକ୍ରିୟା ମିଳିନି।
ଏଟିଏମ୍ ଲୁଟ୍ ପରେ ଲୋକଙ୍କ ଭିଡ଼ ଜମିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
