ସୋନପୁର: ସୋନପୁରରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି। ଜଣେ ଅଜଣା ଯୁବକକୁ ମହାନଦୀ ଭିତରେ ଥିବା ଇଲେକଟ୍ରିକ ଟାୱାରରେ ବାନ୍ଧା ଯାଇଥିବା ଅବସ୍ଥାରେ ଉଦ୍ଧାର କରାଯାଇଛି। ଅତି ଅମାନୁଷିକ ଭାବେ ପଛପଟୁ ହାତ ବାନ୍ଧି ୪ ଦିନ ଧରି ଶୀତ କାକରରେ ଇଲେକଟ୍ରିକ ଟାୱାରରେ ବନ୍ଧା ଯାଇଥିଲା। ସ୍ଥାନୀୟ ଲୋକଙ୍କ ଠାରୁ ସୂଚନା ପାଇ ସୋନପୁର ପୋଲିସ ଓ ଦମକଳ ବାହୀନି ଘଟଣାସ୍ଥଳରେ ପହଞ୍ଚି ଯୁବକଙ୍କୁ ଉଦ୍ଧାର କରିଛି। ସ୍ୱାସ୍ଥ୍ୟାବସ୍ଥା ଗୁରୁତର ଥିବାରୁ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ଯୁବକ ଜଣକ କିଛି କହିପାରୁନଥିବାବେଳେ କିଏ ଏବଂ କ’ଣ ପାଇଁ ତାକୁ ଏଭଳି ଅବସ୍ଥାରେ ବାନ୍ଧି ରଖିଥିଲା ସେ ନେଇ ତଦନ୍ତ ଜାରି ରହିଥିବା ବୀରମହାରାଜପୁର ଏସଡ଼ିପିଓ ଭବାନୀ ଶଙ୍କର ଉଦଗାତା କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
