OR 
ମିଠା ମିସ୍ତ୍ରୀଙ୍କୁ ଛୁରୀ ଭୁଷି ହତ୍ୟା ଅଭିଯୋଗ। ଘଟଣାଟି ହେଉଛି କଟକ ଜିଲ୍ଲା ଚୌଦ୍ୱାର ଥାନା ଅଞ୍ଚଳର ଚୁଡ଼ାଖିଆ ବଜାରରେ। ମୃତକ ଜଣଙ୍କ ହେଲେ ପ୍ରଶାନ୍ତ କୁମାର ମାଝୀ। ତାଙ୍କ ଘର ହେଉଛି ଢେଙ୍କାନାଳ ଜିଲ୍ଲାର ତୁମାସିଙ୍ଗା ଅଞ୍ଚଳରେ।
ପ୍ରଶାନ୍ତ ଚୁଡ଼ାଖିଆ ବଜାରରେ ଥିବା ଏକ ଜଳଖିଆ ଦୋକାନରେ ମିଠା ମିସ୍ତ୍ରୀ ଭାବେ କାମ କରନ୍ତି। ସେହି ବଜାରର ଅନ୍ୟ ଏକ ଜଳଖିଆ ଦୋକାନରେ ଦୀପକ ଦେହୁରୀ କାମ କରନ୍ତି। ପ୍ରଶାନ୍ତ ଓ ଦୀପକଙ୍କ ମଧ୍ୟରେ ଗତକାଲି ରାତିରେ ପାଟିତୁଣ୍ଡ ହୋଇଥିଲା। ଝଗଡ଼ା ଏତେ ଭୟଙ୍କର ହୋଇଥିଲା ଯେ ଦୀପକ ରାଗିଯାଇ ଏକ ଧାରୁଆ ଛୁରୀ ଆଣି ପ୍ରଶାନ୍ତଙ୍କ ପେଟରେ ଭୁଷିଦେଇ ଥିଲେ। ସଙ୍ଗେ ସଙ୍ଗେ ପ୍ରଶାନ୍ତ ରକ୍ତଜୁଡ଼ୁବୁଡ଼ୁ ହୋଇ ଘଟଣା ସ୍ଥଳରେ ପଡ଼ିଯାଇଥିଲେ। ଏହା ଦେଖି ସେଠାରୁ ଫେରାର ହୋଇଯାଇଥିଲେ ଦୀପକ।
Also Read
ଖବର ପାଇ ଦୋକାନି ମାଲିକ ଘଟଣା ସ୍ଥଳରେ ପହଞ୍ଚି ଥିଲେ। ସେଠାରୁ ଗୁରୁତର ଅବସ୍ଥାରେ ପ୍ରଶାନ୍ତଙ୍କୁ ଉଦ୍ଧାର କରି କଟକ ବଡ଼ ମେଡିକାଲକୁ ନେଇଥିଲେ। ସେଠାରେ ଚିକିତ୍ସା ଚାଲିଥିବା ଅବସ୍ଥାରେ ପ୍ରଶାନ୍ତଙ୍କର ମୃତ୍ୟୁ ହୋଇଥିଲା। ଏନେଇ ଚୌଦ୍ୱାର ପୁଲିସ ଓ ସାଇଣ୍ଟିଫିକ୍ ଟିମ୍ ଘଟରା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
