ସୋର: ବାଲେଶ୍ୱର ସିମୁଳିଆ ଥାନା ସୁଙ୍ଗୁଡା ଘୋଷରା ପୋଲ ନିକଟରେ ହତ୍ୟାକାଣ୍ଡ ଘଟଣାରେ ପୋଲିସ ମୁଖ୍ୟ ଅଭିଯୁକ୍ତକୁ ଗିରଫ କରିଛି । ଗିରଫ ଅଭିଯୁକ୍ତ ହେଲେ ସତ୍ୟଜିତ ମହାନ୍ତି। ଏଥିସହ ହତ୍ୟାକାଣ୍ଡରେ ବ୍ୟବହୃତ ଟାଙ୍ଗିଆ ଓ ରକ୍ତାକ୍ତ ଲୁଗା ଆଦିକୁ ଜବତ କରିଛି ସିମୁଳିଆ ଥାନା ପୋଲିସ । ଗତ ୭ ତାରିଖ ରାତିରେ ବରୀ ରୋଡ ଗାଁର ନନ୍ଦକିଶୋର ମହାନ୍ତିଙ୍କୁ ପୁଅ ସୁଜିତଙ୍କୁ ଘୋଷରା ପୋଲ ନିକଟରେ ଟାଙ୍ଗିଆରେ ହାଣି ହତ୍ୟା କରାଯାଇଥିଲା। ଜମିବାଡି ବିବାଦକୁ ନେଇ ଏହି ହତ୍ୟାକାଣ୍ଡ ଘଟିଥିଲା। ପାରିବାରିକ ବିବାଦରୁ ସୁଜିତ ଘର ଛାଡି ଅନ୍ୟତ୍ର ରହୁଥିଲେ। ସେ ଗାଁକୁ ଆସିଥିବା ବେଳେ ତାଙ୍କ ଭାଇ ସତ୍ୟଜିତ୍ ଏହି ହତ୍ୟାକାଣ୍ଡ କରିଥିଲେ। ଏହି ଘଟଣାରେ ଆଉ ଜଣେ ଅଭିଯୁକ୍ତ ମଧ୍ୟ ଫେରାର ଥିବା ପୋଲିସ କହିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
