OR 
ବିଦ୍ୟୁତ ଚୋରି କରୁଥିଲେ ସୁପରକ୍ଲାସ ଠିକାଦାର। ଫାଇନ୍ ପକାଇଲା ଟାଟା ପାୱାର। ଠିକାଦାରଙ୍କ ଉପରେ ୧ ଲକ୍ଷ ୪୫ ହଜାର ଟଙ୍କା ଜରିମାନା କରାଯାଇଛି। ଏପରି ଅଭିଯୋଗ ଆସିଛି କୋରାପୁଟ୍ ଜିଲ୍ଲାରୁ।
Also Read
ଜୟପୁର ଜିଲ୍ଲା ମୁଖ୍ୟ ଚିକିତ୍ସାଳୟ କୋଠା ଓ ଷ୍ଟାଫ୍ କ୍ୱାର୍ଟର୍ସ ନିର୍ମାଣ କରାଯାଉଛି। ଏହି କାମ କରୁଛନ୍ତି ସୁପରକ୍ଲାସ୍ ଠିକାଦାର ରଙ୍ଗନାଥ ମିଶ୍ରଙ୍କ ଠିକା ସଂସ୍ଥା। ନିର୍ମାଣ କାର୍ଯ୍ୟରେ ହୁକ ପକାଇ ବିଦ୍ୟୁତ ବ୍ୟବହାର କରାଯାଉଥିଲା। ଏ ସମ୍ପର୍କରେ ଟାଟା ପାୱାର ଜାଣିବାକୁ ପାଇଥିଲା। ଆଜି ଆଜି ଟାଟା ପାୱାର ଏନ୍ଫୋର୍ସମେଣ୍ଟ ସ୍କାର୍ଡ ନିର୍ମାଣ ସ୍ଥଳରେ ଚଢ଼ଉ କରିଥିଲା।
ଚଢ଼ଉ ସମୟରେ ବିଦ୍ୟୁତ ଚୋରି ହେଉଥିବା ସ୍ପଷ୍ଟ ହୋଇଥିଲା। ଏହା ପରେ ଠିକାଦାର ରଙ୍ଗନାଥ ମିଶ୍ରଙ୍କ ନାଁରେ ୧ ଲକ୍ଷ ୪୫ ହଜାର ଟଙ୍କାର ଜରିମାନା କରିଛି ଟାଟା ପାୱାର। ଏହି ଘଟଣା କୋରାପୁଟ ଜିଲ୍ଲାର ଚର୍ଚ୍ଚାର ବିଷୟ ପାଲଟିଛି। ତେବେ ଟାଟା ପାୱାର ଜରିମାନା ନେଇ ଠିକାଦାର ରଙ୍ଗନାଥ ମିଶ୍ରଙ୍କ ପ୍ରତିକ୍ରିୟା ମିଳିପାରି ନାହିଁ।
ରିପୋର୍ଟ-ଜୟପୁରରୁ ଟି.ଗୌରୀଶଙ୍କର
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
