ସାଲାଇନ୍ ପେଟିରୁ ବାହାରିଲା ଶିଶୁକନ୍ୟାର ମୃତଦେହ

ସାଲାଇନ୍ ପେଟିରୁ ବାହାରିଲା ଶିଶୁକନ୍ୟାର ମୃତଦେହ। ଏପରି ଚିତ୍ର ଦେଖିବାକୁ ମିଳିଛି ବାଲେଶ୍ୱର ଜିଲ୍ଲା ନୀଳଗିରି ଥାନା ଅଞ୍ଚଳରେ। ତେବେ ମୃତ ଶିଶୁକନ୍ୟାର ପରିଚୟ ଜଣାପଡ଼ି ନାହିଁ। ପାରିପାର୍ଶ୍ୱିକ ସ୍ଥିତିକୁ ଦେଖିଲେ ଶିଶୁକନ୍ୟାଟି କୁଆଁରୀ କନ୍ୟାର ବୋଲି ସନ୍ଦେହ କରାଯାଉଛି।

ପୋଡାଶୁଳ ସିଟି ସ୍କୁଲ ନିକଟସ୍ଥ ରାସ୍ତା କଡରେ ସଲାଇନ ପେଟି ପଡ଼ିଥିଲା। ସେଇ ରାସ୍ତା ଦେଇ ଯାଉଥିବା କିଛି ଲୋକ ସେହି ସାଲାଇନ ପେଟିକୁ ଖଲିଥିଲେ। ତାପରେ ପେଟି ଭିତରେ କପଡ଼ାରେ ଗୋଡ଼ା ହୋଇଥିବା ଏକ ଶିଶୁକନ୍ୟାକୁ ଦେଖିବାକୁ ପାଇଥିଲେ। ପଥଚାରୀମାନେ ଏନେଇ ଥନାକୁ ଖବର ଦେଇଥିଲେ। ପୁଲିସ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି।

ପାରିପାର୍ଶ୍ୱିକ ସ୍ଥିତିକୁ ଦେଖିଲେ ଏହା କୁମାରୀ ମାତୃତ୍ୱ ବୋଲି ସନ୍ଦେହ କରାଯାଉଛି। ଧରାପଡ଼ିଯିବା ଭୟରେ କୌଣସି ଯୁବତୀ ନିଜର ଅବୈଧ ସନ୍ତାନକୁ ଫିଙ୍ଗିଦେଇ ଥିବା ଚର୍ଚ୍ଚା ହେଉଛି। ପୁଲିସ ଏନେଇ ଖୋଲତାଳ ଚଳାଇଛି।

ରିପୋର୍ଟ- ନୀଳଗିରିରୁ ବିଶ୍ୱମ୍ଭର ଦାସ