ମୃତଦେହ ଛାଡ଼ି ସମ୍ପର୍କୀୟ ଫେରାର। ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ବଲାଙ୍ଗିର ହସ୍ପିଟାଲ ନିକଟରେ। ଏ ନେଇ ମେଡିକାଲ ଫାଣ୍ଡିରେ ଅଭିଯୋଗ କରିଛନ୍ତି ଶବ ଆଣିଥିବା ଗାଡ଼ିର ଡ୍ରାଇଭର। ଅଭିଯୋଗ ପରେ ଗାଡ଼ି ସହ ମୃତଦେହ ଫାଣ୍ଡିକୁ ଆଣିଛି ପୁଲିସ।
ଗତ ବିଳମ୍ବିତ ରାତିରେ ବୁର୍ଲା ମେଡିକାଲରୁ ଜଣେ ମହିଳାଙ୍କ ମୃତଦେହକୁ ବୋଲେରୋରେ ଭଡା କରି ସମ୍ପର୍କୀୟ ଜଣକ ବଲାଙ୍ଗିରକୁ ଆସିଥିଲେ। ମୃତ ମହିଳା ଜଣଙ୍କ ବଙ୍ଗମୁଣ୍ଡା ଅଞ୍ଚଳର ବୋଲି ସୂଚନା ମିଳିଛି। କିନ୍ତୁ ସଂପର୍କୀୟ ଜଣକ କିଏ ଏବଂ କ'ଣ ପାଇଁ ସେ ମୃତଦେହ ଛାଡ଼ି ଫେରାର ହୋଇଯାଇଛନ୍ତି ସେ ନେଇ କୌଣସି କାରଣ ଜଣାପଡ଼ିନାହିଁ।
Also Read
ଡ୍ରାଇଭରଙ୍କ ଅଭିଯୋଗ ମୁତାବକ, ଭୋର ୪ଟାରେ ବଲାଙ୍ଗିର ହସ୍ପିଟାଲରେ ପହଞ୍ଚିବା ପରେ ଭଡ଼ା ଟଙ୍କା ଆଣିବାକୁ ଯାଉଛି କହି ସମ୍ପର୍କୀୟ ଜଣକ ମୃତଦେହ ରଖି ସେଠାରୁ ଚାଲିଯାଇଥିଲେ। ମାତ୍ର ପରେ ଆଉ ଫେରିନାହାନ୍ତି। ତାଙ୍କର ଫୋନ ମଧ୍ୟ ଲାଗୁନାହିଁ।
ଅଭିଯୋଗ ପରେ ପ୍ରକୃତରେ ଟଙ୍କା ନଥିବାରୁ ଫେରାର ହୋଇଛନ୍ତି ନା ଏହା ପଛରେ ଅନ୍ୟ କିଛି କାରଣ ରହିଛି ତା'ର ଖୋଳତାଡ କରୁଛି ପୁଲିସ। ମୃତକଙ୍କ ପରିବାର ଲୋକଙ୍କ ସହ ଯୋଗାଯୋଗ ପାଇଁ ମଧ୍ୟ ପୁଲିସ ଉଦ୍ୟମ ଜାରି ରଖିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
