ଡକାୟତି ଘଟଣାରେ ତିନି ଅଭିଯୁକ୍ତ ଗିରଫ

କଟକ ଶିଖରପୁର ଉପରସାହି ଅଞ୍ଚଳରେ ଗତ ୧୯ ତାରିଖରେ ହୋଇଥିବା ଡକାୟତି ଘଟଣାରେ ତିନି ଅଭିଯୁକ୍ତ ଗିରଫ। ସେମାନଙ୍କ ଠାରୁ ନଗଦ ୩,୪୧, ୭୪୦ ଟଙ୍କା ଜବତ କରିଛି ମାଲଗୋଦାମ ଥାନା ପୁଲିସ।

୧୯ ତାରିଖରେ ଜଣେ ବ୍ୟକ୍ତିଙ୍କର ଘର ଝରକା ତାଡ଼ି ୫ ଲକ୍ଷରୁ ଅଧିକ ଟଙ୍କା ଲୁଟି ନେଇଥିବା ଅଭିଯୋଗ ହୋଇଥିଲା। ଅଭିଯୋଗ ଆଧାରରେ ପୁଲିସ ଘଟଣାର ତଦନ୍ତ ଆରମ୍ଭ କରିଥିଲା। ଆଜି ୩ ଲୁଟେରାଙ୍କୁ ଗିରଫ କରିଛି ପୁଲିସ। ଗିରଫ ବେଳେ ସେମାନଙ୍କ ଠାରୁ ଚାରିଟି ମୋବାଇଲ ଫୋନ୍, ଦୁଇଟି ଲୁହା ରଡ୍ ଜବତ୍ କରିଛି ପୁଲିସ।

ଅନ୍ୟପଟେ ଜଗତପୁର ଥାନା ଗୋଲେଇ ଛକ ନିକଟସ୍ଥ ଏକ ଘରୁ ଲୁଟ ଘଟଣାରେ ଦୁଇ ଜଣ ଅଭିଯୁକ୍ତଙ୍କୁ ଗିରଫ କରିଛି ଜଗତପୁର ଥାନା ପୁଲିସ। ଗିରଫ ବେଳେ ସେମାନଙ୍କ ଠାରୁ ନଗଦ ୬ ହଜାର ଟଙ୍କା ଓ ଦୁଇଟି ମୋବାଇଲ ଫୋନ ଜବତ୍ କରିଛି ପୁଲିସ।