OR 
କାମାକ୍ଷାନଗର ଥାନା ମୁକ୍ତାପଶି ଛକ ନିକଟରେ ଦୁଇଟି ଚୋରା କୋଇଲା ବୋଝେଇ ଟ୍ରକକୁ ଜବତ କଲେ କାମାକ୍ଷାନଗର ଏସ୍ଡିପିଓ। ୪୨ ଟନର ଚୋରା କୋଇଲା ଜବତ ହୋଇଥିବା ବେଳେ ଏହାର ଆନୁମାନିକ ମୂଲ୍ୟ ପ୍ରାୟ ୨ ଲକ୍ଷ ଟଙ୍କା ହେବ ବୋଲି ସୂଚନା ମିଳିଛି।
ସୋମବାର (ଗତକାଲି) ବିଳମ୍ବିତ ରାତିରେ ଦୁଇଟି ଟ୍ରକରେ ଚୋରା କୋଇଲା ଯାଉଥିବାର କାମାକ୍ଷାନଗର ଏସ୍ଡିପିଓ ସ୍ନେହାଶିଷ ସାହୁ ବିଶ୍ୱସ୍ତ ସୂତ୍ରରୁ ଖବର ପାଇଥିଲେ। ଦୁଇଟି ଟ୍ରକ ତାଳଚେର ରୁ ଚୋରା କୋଇଲା ନେଇ ଯାଜପୁର ଜିଲ୍ଲା ପାଣିକୋଇଲି ଯାଉଥିବା ବେଳେ କାମାକ୍ଷାନଗର ଏସ୍ଡ଼ିପିଓ ମୁକ୍ତାପଶି ଛକ ନିକଟରେ ଦୁଇଟି ଟ୍ରକକୁ ଜବତ କରିଥିଲେ।
Also Read
ଏହି ଚୋରା କୋଇଲା ବୋଝଇ ଟ୍ରକକୁ ଜବତ କରିବା ସହ ଦୁଇ ଡ୍ରାଇଭରଙ୍କୁ ଗିରଫ କରିଛି ପୁଲିସ। ଦୁଇ ଡ୍ରାଇଭର ଜଣଙ୍କ ହେଉଛନ୍ତି ଅନଗୁଳ ଜିଲ୍ଲା ସେଇପୁର ଗାଁର ଈଶ୍ୱର ସାହୁ ଓ ଚନ୍ଦନ ସାହୁ।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
