OR 
ଚାକିରି ଦେବା ନାଁରେ ମୁମ୍ବାଇରେ ଲୋକମାନଙ୍କଠାରୁ ଲକ୍ଷ ଲକ୍ଷ ଟଙ୍କା ଠକି ଭୁବନେଶ୍ୱରେ ଲୁଚିଥିଲେ। ସହିଦନଗର ଥାନା ଅଞ୍ଚଳରୁ ୨ ଠକଙ୍କୁ ଗିରଫ କରିଛି ମୁମ୍ବାଇ ପୁଲିସ। ଗିରଫ ଦୁଇ ଠକ ହେଲେ ଯାଜପୁରର ରାଜେନ୍ଦ୍ର ମଲ୍ଲିକ ଓ କନ୍ଧମାଳର ସଚିନ୍ ଦିଗଲ।
ରାଜେନ୍ଦ୍ର ଓ ସଚିନ୍ ଫେକ୍ ୱେବସାଇଟ୍ ଖୋଲି ମୁମ୍ବାଇରେ ଚାକିରି ଦେବା ନାଁରେ ଲୋକଙ୍କୁ ଠକେଇ କରିଥିଲେ। ଏନେଇ ଦୁଇ ଅଭିଯୁକ୍ତଙ୍କ ନାଁରେ ମୁମ୍ବାଇ ଥାନେ ପୁଲିସ ଷ୍ଟେସନରେ ଏତଲା ହୋଇଥିଲା। ଥାନେ ପୁଲିସ ଦୁଇ ଠକଙ୍କୁ ମୁମ୍ବାଇରେ ଖୋଜିଥିଲା, ହେଲେ ପାଇ ନଥିଲା। ପରେ ସେମାନେ ଭୁବନେଶ୍ୱରର ଥିବା ଜଣାପଡ଼ିଥିଲା। ଏନେଇ ଥାନେ ପୁଲିସ ଭୁନେଶ୍ୱରର କମିଶନରେଟ୍ ପୁଲିସ ସହ ଯୋଗାଯୋଗ କରିଥିଲା। କମିଶନରେଟ୍ ପୁଲିସ ସହାୟତାରେ ସହିଦନଗର ଥାନା ଅଞ୍ଚଳରୁ ୨ ଠକଙ୍କୁ ଗିରଫ କରିଥିଲା।
Also Read
ଗିରଫ ପରେ ଉଭୟଙ୍କ ଠାରୁ ୩୭ଟି ମୋବାଇଲ ଫୋନ, ୧୨ଟି ପାନ କାର୍ଡ, ୩୮ଟି ଏଟିଏମ କାର୍ଡ, ୨୫ଟି ସିମକାର୍ଡ ଓ ଲାପଟପ୍ ଜବତ କରିଛି ପୁଲିସ । ଗିରଫ ପରେ ଦୁଇ ଅଭିଯୁକ୍ତକୁ ଟ୍ରାଞ୍ଜିଟ ରିମାଣ୍ଡରେ ନେଇଛି ଥାନେ ପୁଲିସ।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
