ନଫେ ସିଂହ ରାଠୀ ହତ୍ୟା ମାମଲା: ବିଦେଶୀ ଲିଙ୍କ୍ ଥିବା ସନ୍ଦେହ, ଆଉ ୩ ଜଣଙ୍କ ନାଁରେ FIR

ମାମଲା ରୁଜୁ ହୋଇଥିବା ତିନି ଜଣ ବ୍ୟକ୍ତି ଦୁଇଟି ରାଜନୈତିକ ଦଳର ବୋଲି କୁହାଯାଇଛି।

Nafe Singh Rathee

ନଫେ ସିଂହ ରାଠୀ

Debibandita Barick
  • Published: Tuesday, 27 February 2024
  • Updated: 27 February 2024, 11:17 AM IST

Sports

Latest News

ଭାରତୀୟ ଜାତୀୟ ଲୋକ ଦଳ (INLD)ର ହରିଆଣା ମୁଖ୍ୟ ନଫେ ସିଂହ ରାଠୀ ହତ୍ୟା ମାମଲାରେ ଆଉ ତିନି ଜଣଙ୍କ ନାଁରେ ଏଫଆଇଆର ପଞ୍ଜିକୃତ କଲା ପୁଲିସ। ମାମଲା ରୁଜୁ ହୋଇଥିବା ତିନି ଜଣ ବ୍ୟକ୍ତି ଦୁଇଟି ରାଜନୈତିକ ଦଳର ବୋଲି କୁହାଯାଇଛି। ସେମାନେ ହେଉଛନ୍ତି ବିରେନ୍ଦ୍ର ରାଠୀ, ସନ୍ଦୀପ ରାଠୀ ଏବଂ ରାଜପାଲ ଶର୍ମା। 

ହରିଆଣା ପୁଲିସ ସନ୍ଦେହ କରୁଛି ଯେ, ବିଦେଶରେ ଥିବା ମୋଷ୍ଟ ୱାଣ୍ଟେଡ ଗ୍ୟାଙ୍ଗଷ୍ଟରର ସୁଟରମାନେ ନଫେ ସିଂହଙ୍କ ହତ୍ୟାରେ ସମ୍ପୃକ୍ତ ଥାଇପାରନ୍ତି। ବ୍ରିଟେନରେ ଥିବା ମୋଷ୍ଟ ୱାଣ୍ଟେଡ ଗ୍ୟାଙ୍ଗଷ୍ଟର କିଛି ମାସ ପୂର୍ବରୁ ଦିଲ୍ଲୀରେ ଜଣେ ବିଜେପି ନେତାଙ୍କ ହତ୍ୟା କରାଇଥିଲା। ଆଜି ତିହାର ଜେଲରେ ଥିବା ଏହି ମୋଷ୍ଟ ୱାଣ୍ଟେଡ ଗ୍ୟାଙ୍ଗଷ୍ଟରର ଜଣେ ସହଯୋଗୀକୁ ପରଚାଉଚରା କରିବ ପୁଲିସ। 

Also Read

ଏହାପୂର୍ବରୁ ହରିଆଣା ପୁଲିସ ତିହାର ଜେଲରେ ଥିବା ଗ୍ୟାଙ୍ଗଷ୍ଟର ସନ୍ଦୀପ ଛଦ୍ମନାମ କଲା ଜଠେଡିକୁ ପଚରାଉଚରା କରିଥିଲା। କିନ୍ତୁ ସେ ଏ ମାମଲା ବାବଦରେ ଜାଣିନଥିବା କହିଛି। ହରିଆଣା ପୁଲିସ ହାତରେ ଏପରି କିଛି ପ୍ରମାଣ ଲାଗିଛି, ଯେଉଁଥିପାଇଁ ରାଠୀଙ୍କ ହତ୍ୟା ମାମଲାରେ ୟୁକେ ଲିଙ୍କ୍ ଥିବା ସନ୍ଦେହ କରୁଛି। 

ପୁଲିସ ଏହି ମାମଲାରେ ମୋଟ ୧୨ ଅଭିଯୁକ୍ତଙ୍କ ବିରୋଧରେ ମାମଲା ରୁଜୁ କରି ତଦନ୍ତ କରୁଛି। ମାମଲାରେ ବିଜେପି ନେତାଙ୍କ ପୁଅ, ଭାଇ ଏବଂ ଅନ୍ୟ ସମ୍ପର୍କୀୟଙ୍କ ନାମ ମଧ୍ୟ ଅଭିଯୁକ୍ତଙ୍କ ତାଲିକାରେ ଅନ୍ତର୍ଭୁକ୍ତ ହୋଇଛି। 

ରବିବାର ରାଠୀ ଏକ ଏସୟୁଭି ଗାଡିରେ ଯିବା ସମୟରେ ତାଙ୍କ ଗାଡି ଉପରକୁ ଗୁଳି ମାଡ଼ ହୋଇଥିଲା। ଏହି ଗୁଳି ମାଡ଼ ବାହାଦୁରଗଡ ନିକଟରେ ହୋଇଥିଲେ। ଏଥିରେ ରାଠୀଙ୍କ ସମେତ ଅନ୍ୟ ଜଣେ  ଦଳୀୟ କର୍ମୀଙ୍କର ମଧ୍ୟ ମୃତ୍ୟୁ ଘଟିଛି। ଏଥିସହ ଅନେକ ସୁରକ୍ଷା କର୍ମୀ ମଧ୍ୟ ଗୁରୁତର ଆହତ ହୋଇଛନ୍ତି। ପୁଲିସ ମାମଲା ଉପରେ ତିକ୍ଷ୍ଣ ନଜର ରଖିଛି। 

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos