ଗହଣା ଦୋକାନ ଆଗରେ ଟାଣିଦେଲେ କଳା ପାଲ; ଭିତରୁ ପୋଛି ନେଲେ

ଅଭିନୟ ଉପାୟରେ ଚୋରି କଲେ ଲୁଟେରା। ଗହଣା ଦୋକାନ ଆଗରେ କଳାପାଲ ଟାଣି ସଟର ତାଡ଼ି ସୁନା ଅଳଙ୍କାର ଓ ନଗଦ ଟଙ୍କା ଲୁଟିନେଲେ। ଏପରି ଘଟଣା ଘଟିଛି ଭଦ୍ରକ ଜିଲ୍ଲା ଭଣ୍ଡାରୀପୋଖରୀରେ। ୩ ଲକ୍ଷରୁ ଅଧିକ ଟଙ୍କାର ସୁନା ଅଳଙ୍କାର ଚୋରି ହୋଇଥିବା ଥାନାରେ ଅଭିଯୋଗ ହୋଇଛି।

ଗତକାଲି ବିଳମ୍ବିତ ରାତିରେ ଲୁଟେରାମାନେ ଦୋକାନ ଆଗରେ ପ୍ରଥମେ କଳାପାଲ ଟାଣି ଥିଲେ। ପରେ ସଟର ତାଡ଼ି ଦୋକାନ ଭିତରେ ପଶି ସୁନା ଅଳଙ୍କାର ଓ ନଗଦ ଟଙ୍କା ଲୁଟିନେଇ ଚମ୍ପଟ ମାରିଥିଲେ।

ଆଜି ସକାଳେ ଦୋକାନରେ ଚୋରି ହୋଇଥିବା ସ୍ଥାନୀୟ ଲୋକେ ମାଲିକଙ୍କୁ ଖବର ଦେଇଥିଲେ। ଦୋକାନୀମାଲିକ ଏନେଇ ଥାନାରେ ଅଭିଯୋଗ କରିଛନ୍ତି। ମଞ୍ଜୁରୀ ରୋଡ୍ ଫାଣ୍ଡି ପୁଲିସ ଘଟଣାର ତଦନ୍ତ କରୁଛି।