OR 
ପୁଲିସର ଅପାରଗତା ନା ନିଷ୍କ୍ରିୟତା! ଜଣେ ୧୩ ବର୍ଷର ନାବାଳିକା ଆଜିକୁ ଏକ ମାସ ହେଲାଣି ନିଖୋଜ ହୋଇଛି। ହେଲେ ଅଭିଯୋଗ ପରେ ମଧ୍ୟ ପୁଲିସ ହାତ ଟେକି ବସିଛି। ପୁଲିସର ପାରିବା ପଣିଆକୁ ଦେଖି ଶତାଧିକ ଗାଁ ଲୋକ ଆଜି ଏକତ୍ର ହୋଇ ଥାନାରେ ପହଞ୍ଚିଛନ୍ତି। ଆଉ ପୁଲିସ୍କୁ ଜବାବ ମାଗିଛନ୍ତି। ନିର୍ବାଚନ ମାହୋଲ୍ ଭିତରେ ଆଜି ସନ୍ଧ୍ୟା ବେଳେ ଏପରି ଖବର ଆସିଛି ମୟୂରଭଞ୍ଜ ବଡ଼ସାହି ଥାନାରୁ।
ବଡ଼ସାହି ଥାନା ହରିପୁର ଗାଁର ଜଣେ ୧୩ ବର୍ଷର ନାବାଳିକା ନିଖୋଜ ହୋଇ ଯାଇଥିଲେ। ପରିବାର ଲୋକେ ଏନେଇ ଥାନାରେ ଲିଖିତ ଅଭିଯୋଗ କରିଥିଲେ। ଏଫ୍ଆଇଆର୍ ଜଣେ ନିର୍ଦ୍ଦିଷ୍ଟ ବ୍ୟକ୍ତିଙ୍କ ନାଁରେ ଅଭିଯୋଗ କରିଥିଲେ। ହେଲେ ପୁଲିସ୍ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କଲା ନାହିଁ। ଏପରିକି ହଜିଲା ଝିଅକୁ ଖୋଜି ଆଣିଲା ନାହିଁ। ପୁଲିସ୍ର ନିଷ୍କ୍ରିୟତା ଦେଖି ପରିବାର ଲୋକେ ମୟୂରଭଞ୍ଜ ଜିଲ୍ଲାପାଳ ଓ ଏସ୍ପିଙ୍କ କାର୍ଯ୍ୟାଳୟରେ ପହଞ୍ଚି ଗୁହାରୀ କରିଥିଲେ। ପୁଲିସ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରୁନଥିବା ଅଭିଯୋଗ କରିଥିଲେ। ହେଲେ କିଛି ଲାଭ ମିଳିନଥିଲା।
Also Read
ଆଜି ସମ୍ପୃକ୍ତ ବ୍ୟକ୍ତି ଜଣ ନାବାଳିକାଙ୍କ ଘର ସମ୍ମୁଖରେ ପାଟିତୁଣ୍ଡ କରିଥିଲେ। ଯାହାକୁ ନେଇ ଗାଁ ଲୋକଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଥିଲା। ପରେ ପୀଡ଼ିତଙ୍କ ପରିବାର ସହ ଶତାଧିକ ଗାଁ ଲୋକେ ଏକତ୍ର ହୋଇ ଥାନାରେ ପହଞ୍ଚିଥିଲେ। ପୁଲିସ୍ଠାରୁ ଜବାବ ମାଗିଥିଲେ। ଥାନା ଭିତରେ ପୁଲିସ୍କୁ ଠେଲାପେଲା କରିଥିଲେ। ଉତ୍ତେଜନା ପରିସ୍ଥିତି ସୃଷ୍ଟି ହୋଇଥିଲା। ସ୍ଥିତି ଅଣାୟତ୍ତ ହେଉଥିବା ଦେଖି ବେତନଟୀ ଏସ୍ଡିପିଓ ଓ ବେତନଟୀ ଥାନା ପୁଲିସ୍ ଘଟଣା ସ୍ଥଳରେ ପହଞ୍ଚି ଉତ୍ତ୍ୟକ୍ତ ଲୋକଙ୍କୁ ବୁଝାସୁଝା କରିଛନ୍ତି।
ରିପୋର୍ଟ- ମାନିକଲାଲ ପାଣି
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
