ନୃଶଂସ ପୁଅ; ମା’କୁ ହତ୍ୟା କରି ପୋଡ଼ି ଦେଲା!

 ପରିବାରିକ କଳହର କରୁଣ ପରିଣତି।  ଯେଉଁ ମା’ ଛୋଟରୁ ବଡ଼ କରିଥିଲା, ସେହି ମା’କୁ ହତ୍ୟା କରି ପୋଡ଼ି ଦେଲା ପୁଅ। ଘଟଣା ଘଟିଛି ନୟାଗଡ଼ ଜିଲ୍ଲା ଦଶପଲ୍ଲା ଥାନା ଅନ୍ତର୍ଗତ ନାହାକ ପଡ଼ା ଗ୍ରାମରେ। ମୃତ ମହିଳା ଜଣଙ୍କ ହେଲେ ମାନ ବେହେରା। ପୁଲିସ ପୁଅ ବଳିଆ ବେହେରାଙ୍କୁ ପଚରାଉଚରା କରୁଛି।

ପାରିବାରିକ କଳହ ପାଇଁ ଗତକାଲି ରାତିରେ ମିନାଙ୍କୁ ବଳିଆ ବାଡ଼େଇ ବାଡ଼େଇ ହତ୍ୟା କରିଥିଲା। । ସେଥିରେ ନୃଂଶସ ପୁଅର ମନ ବୁଝିନଥିଲା। ପରେ ମା’ର ମୃତଦେହକୁ ତରବରିଆ ଭାବେ ପୋଡ଼ି ଦେଇଥିବା ଅଭିଯୋଗ ହୋଇଛି।

ଘଟଣା ସାମ୍ନାକୁ ଆସିବା ପରେ ପୁଲିସ ପୁଅକୁ ପଚରାଉଚରା କରିଛି। ବଳିଆ ନିଜ ମା’କୁ ମାରି ନାହିଁ ବୋଲି ପୁଲିସ ଆଗରେ କହିଛି। ହୃଦଘାତରେ ମା’ ମୃତ୍ୟୁ ଘଟିଥିବା ନିଜ ବୟାନରେ ପୁଲିସକୁ କହିଛି। ଏନେଇ ଥାନାରେ କୌଣସି ଅଭିଯୋଗ ହୋଇନଥିବା ବେଳେ ପୁଲିସ ବଳିଆକୁ ପଚରାଉରା କରୁଛି।