ମହିଳା କରୁଥିଲେ ଗଞ୍ଜେଇ ଚାଲାଣ, ଗୋଡ଼ାଇ ଗୋଡ଼ାଇ ଧରିଲା ପୁଲିସ୍

ଗଞ୍ଜେଇ ଚାଲାଣ କରିବା ଅଭିଯୋଗରେ ନୟାଗଡ଼ ଜିଲ୍ଲା ବାଣୀଗୋଚ୍ଛା ପୁଲିସ ଜଣେ ମହିଳାଙ୍କୁ ଗିରଫ କରିଛି। ତାଙ୍କ ଠାରୁ ଗଞ୍ଜେଇ ଜବତ କରାଯାଇଛି। ଗିରଫ ମହିଳାଙ୍କ ନାଁ ସାଇବାଣୀ କହଁର। ତାଙ୍କ ଘର ଫୁଲବାଣୀ ଥାନା ଗଉଡ଼ପଡ଼ା ଗାଁରେ।

ଜଣେ ମହିଳା ତାଙ୍କ କାରରେ ଗଞ୍ଜେଇ ନେଇ ଫୁଲବାଣୀରୁ ଭୁବନେଶ୍ୱର ଅଭିମୁଖେ ଯାଉଥିବା ନେଇ ବିଶେଷ ସୂତ୍ରରୁ ଖବର ପାଇଥିଲା ବାଣୀଗୋଛା ଥାନା ପୁଲିସ୍‌। ପୁଲିସ୍ କାର୍‌ଟିକୁ ଅଟକାଇବାକୁ ପ୍ରୟାସ କରିଥିଲା। ତେବେ କାର୍‌ଟି ଫେରାର ହୋଇଯାଇଥିଲା। ପୁଲିସ୍ ଟିମ୍ କାର୍‌ଟିକୁ ପିଛା କରିଥିଲା।

ବାଣୀବିରି ଗାଁ ଭିତରେ କାର୍‌ଟିକୁ ଛାଡ଼ି ଡ୍ରାଇଭର ଫେରାର ହୋଇଯାଇଥିଲେ। କିନ୍ତୁ ସାଇବାଣୀ କହଁର ଫେରାର ହୋଇପାରି ନଥିଲେ। ପୁଲିସ୍ ତାଙ୍କୁ ଧରିବାରେ ସଫଳ ହୋଇଥିଲା। କାର୍‌ଟିକୁ ଯାଞ୍ଚ କରିବା ବେଳେ ସେଥିରେ ଗୋଟିଏ ବସ୍ତାରେ ଓ ତିନିଟି ବ୍ୟାଗରେ ଗଞ୍ଚେଇ ଥିବା ଦେଖିବାକୁ ପାଇଥିଲା ପୁଲିସ୍ ଟିମ୍। ଏହା ପରେ ତାଙ୍କୁ ଥାନାକୁ ନେବା ସହିତ ଗାଡ଼ିଟିକୁ ଜବତ କରିଥିଲା ପୁଲିସ୍।

ଦଶପଲ୍ଲାରୁ ସଞ୍ଜୀବ ସାହୁଙ୍କ ରିପୋର୍ଟ