ସାମାନ୍ୟ ବଚସାରୁ ଘଟିଲା ଅଭାବନୀୟ କାଣ୍ଡ । ବ୍ଲେଡରେ ଜଣେ ଯୁବକଙ୍କ ତଣ୍ଟି କାଟିଦେଲେ ନିଶାସକ୍ତ ଜଣେ ଯୁବକ । କଟକ ଜିଲ୍ଲା ଆଠଗଡ଼ ବ୍ଲକ ମାଣିପୁର ଗାଁରେ ଘଟିଛି ଏହି ଅଘଟଣ। ଗୁରୁତର ଯୁବକଜଣକ ହେଲେ ଢେଙ୍କାନାଳ ଜିଲ୍ଲା ଦେଓପଡ଼ା ଗାଁ ସଞ୍ଜୟ ସଞ୍ଜୟ ନାଏକ । ଏହି ଘଟଣାରେ ପୁଲିସ୍ ଢେଙ୍କାନାଳ ଜିଲ୍ଲା ମାଣିପୁର ଗାଁର କରୁଣାକର ଦୋରଡଙ୍କୁ ଅଟକ ରଖି ପଚରାଉଚରା କରୁଛି।
ସଞ୍ଜୟ ନିଜର ଜଣେ ସାଙ୍ଗଙ୍କ ସହ ମୋବାଇଲ ଠିକ୍ କରିବା ନିମନ୍ତେ ଆଠଗଡ଼ ଆସିଥିଲେ। ସେଠାରେ ମୋବାଇଲ ଠିକ୍ କରିବା ପରେ ଉଭୟ ଏକ ଚା’ ଦୋକାନରେ ଚା’ ପିଉଥିଲେ। ଉକ୍ତ ସମୟରେ କରୁଣାକର ସେଠାରେ ପହଞ୍ଚି ସେମାନଙ୍କୁ ଗାଳୁଗୁଲଜ କରିଥିଲେ।
ଏହା ଅତିଷ୍ଠ ହେବାରୁ ସଞ୍ଜୟ ଘଟଣାସ୍ଥଳରୁ ଚାଲି ଯାଉଥିଲେ। ମାତ୍ର କରୁଣାକର ଅତର୍କିତ ଭାବେ ପଛ ପଟୁ ଆସି ତାଙ୍କ ବେକକୁ ବ୍ଲେଡରେ କାଟି ଦେଇଥିଲେ।
Also Read
ଉତ୍ତ୍ୟକ୍ତ ଲୋକେ କରୁଣାକରଙ୍କୁ କାବୁ କରି ପ୍ରବଳ ପିଟିଥିଲେ। ଏହାପରେ ପୁଲିସ୍ ଜିମା ଦେଇଥିଲେ। ସଞ୍ଜୟଙ୍କ ପତ୍ନୀ ମମତାଙ୍କ ଅଭିଯୋଗକୁ ଭିତ୍ତି କରି ଆଠଗଡ଼ ଥାନା ପୁଲିସ୍ କରୁଣାକରଙ୍କୁ ଥାନାରେ ଅଟକ ରଖିଛି। ଏଥିସହ ଏହି ମାମଲାର ତଦନ୍ତ ଜାରି ରଖିଛି।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
