ପୂର୍ବ ଶତ୍ରୁତାରୁ ଗାଆଁରେ ଖେଳିଗଲା ଆତଙ୍କ ରାଜ । ଘଣ୍ଟାଏ କାଳ ଗାଁ ଦାଣ୍ଡରେ ବୁଲିଲା ଖଣ୍ଡା। ଯୁବକଙ୍କ ଘର ଦାଣ୍ଡରେ ଥିବା ବାଇକ୍ ପୋଡ଼ିଦେଲେ । ପ୍ରାୟ ୫,୬ ଯୁବକ ସମ୍ପୃକ୍ତ ଯୁବକଙ୍କୁ ୩୦ରୁ ଊର୍ଦ୍ଧ୍ୱ ଥର ଆକ୍ରମଣ କରିଥିବା ବେଳେ ତାଙ୍କ ଅବସ୍ଥା ଗୁରୁତର ରହିଛି ।
ଗଞ୍ଜାମ ଜିଲ୍ଲା ଗୋଳନ୍ଥରା ଥାନା ଅନ୍ତର୍ଗତ ରାଳବ ଗ୍ରାମରେ ଘଟିଛି ଏହି ଘଟଣା। ଆହତ ଜଣକ ହେଲେ ବି ସନ୍ତୋଷ ପାତ୍ର।
ସନ୍ତୋଷଙ୍କର ଗାଁର କିଛି ଯୁବକଙ୍କ ସହ କିଛି ଦିନ ହେବ ଗଣ୍ଡଗୋଳ ଲାଗି ରହିଥିଲା। ଏହାକୁ କେନ୍ଦ୍ର କରି ଗ୍ରାମର ୫ରୁ ୬ ଜଣ ଯୁବକ ଗତ ରାତିରେ ତାଙ୍କୁ ଗୋଡ଼ାଇ ଗୋଡ଼ାଇ ଖଣ୍ଡାରେ ଆକ୍ରମଣ କରିଥିଲେ। ଏପରିକି ତାଙ୍କ ବାଇକ୍କୁ ବି ପୋଡ଼ିଦେଲେ ।
ଅଭିଯୁକ୍ତମାନେ ସନ୍ତୋଷଙ୍କୁ ଖଣ୍ଡାରେ ୩୦ରୁ ଅଧିକ ଚୋଟ ମାରିବାରୁ ତାଙ୍କ ଶରୀରର ବିଭିନ୍ନ ସ୍ଥାନରେ ଗଭୀର କ୍ଷତ ସୃଷ୍ଟି ହୋଇଛି। ଗୁରୁତର ଅବସ୍ଥାରେ ତାଙ୍କୁ ଏମକେସିଜି ମେଡ଼ିକାଲରେ ଭର୍ତ୍ତି କରାଯାଇଛି । ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛି।