କାଲିଠୁ ନିଖୋଜ ଥିଲେ ଯୁବକ; ଆଜି ରେଳଧାରଣାରୁ ମିଳିଲା ମୃତଦେହ

ଗତକାଲିଠୁ ନିଖୋଜ ଥିଲେ ଯୁବକ। ଆଜି ସକାଳେ ରେଳ ଧାରଣାରୁ ମିଳିଲା ଯୁବକଙ୍କ ମୃତଦେହ। ଘଟଣା ଘଟିଛି ସୁନ୍ଦରଗଡ଼ ଜିଲ୍ଲା କେ. ବଲାଙ୍ଗ ଥାନା ଅନ୍ତର୍ଗତ ବିମଲାଗଡ଼ ରେଳ ଷ୍ଟେସନରେ। ମୃତ ଯୁବକ ଜଣଙ୍କ ହେଲେ ଗୋଉଡୁଣିପୋଷ ଗ୍ରାମର ସୁରଜ ମହାକୁଡ଼। ସୁରଜଙ୍କ ଶରୀରର ବିଭିନ୍ନ ସ୍ଥାନରେ କ୍ଷତ ଚିହ୍ନ ରହିଛି।

ଗତକାଲି ରାତିଠୁ ସୁରଜ ବାହାରକୁ ଯାଇ ଘରୁ ଫେରି ନଥିଲେ। ପରିବାର ଲୋକେ ଖୋଜାଖୋଜି କରିଥିଲେ ମଧ୍ୟ ପାଇନଥିଲେ। ଆଜି ସକାଳେ ରେଳ ଧାରଣାରୁ ସୁରଜଙ୍କ ମୃତଦେହ ଉଦ୍ଧାର କରାଯାଇଥିଲା। ଜିଆରପି ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି ଓ ଘଟଣାର ତଦନ୍ତ କରୁଛି।

ଅନ୍ୟପକ୍ଷରେ ସୁରଜଙ୍କୁ ହତ୍ୟା କରାଯାଇଥିବା ପରିବାର ଲୋକେ ଅଭିଯୋଗ କରିଛନ୍ତି। ଏନେଇ ପୁଲିସର କୌଣସି ପ୍ରତିକ୍ରିୟା ମିଳିନାହିଁ।