ସିଆର୍‌ପିଏଫ୍‌ର ୧୪୧୨ ପଦ ପାଇଁ ପ୍ରକାଶ ପାଇଲା ବିଜ୍ଞପ୍ତି, ଯୋଗ୍ୟତା ଯୁକ୍ତ ଦୁଇ

ନୂଆଦିଲ୍ଲୀ: କେନ୍ଦ୍ରୀୟ ରିଜର୍ଭ ପୁଲିସ ବଳ ବା ସିଆର୍‌ପିଏଫ୍‌ରେ ଖାଲି ପଡ଼ିଥିବା ୧୪୧୨ଟି ହେଡ୍‌ କନଷ୍ଟେବଳ ପଦବୀ ପାଇଁ ବିଜ୍ଞପ୍ତି ପ୍ରକାଶ ପାଇଛି। ଉଭୟ ପୁରୁଷ ଓ ମହିଳା ଏଥିପାଇଁ ଆବେଦନ କରିପାରିବେ। ଏଥିରେ ପୁରୁଷଙ୍କ ପାଇଁ ୧୩୩୧ଟି ଓ ମହିଳାଙ୍କ ପାଉଁ ୮୧ଟି ପଦବୀ ରହିଛି। ମନେ ରଖନ୍ତୁ କେବଳ ସିଆର୍‌ପିଏଫ୍‌ରେ କାର୍ଯ୍ୟରତ ଥିବା କର୍ମଚାରୀ ହିଁ ହେଡ୍‌ କନଷ୍ଟେବଳ ପଦବୀ ପାଇଁ ଆବେଦନ କରିପାରିବେ। ଏଥିପାଇଁ ଆବେଦନ ପ୍ରକ୍ରିୟା ଆରମ୍ଭ ହୋଇଛି। ଆବେଦନର ଶେଷ ତାରିଖ ୫ ମାର୍ଚ୍ଚ ରହିଛି।

ମୋଟ ପଦବୀ

ହେଡ୍‌ କନଷ୍ଟେବଳ (ଜେନେରାଲ୍‌ ଡ୍ୟୁଟି)

ମୋଟ ପଦବୀ ୧୪୧୨

ବୟସସୀମା ଓ ଯୋଗ୍ୟତା

ସର୍ବନିମ୍ନ ବୟସ ୧୮ ବର୍ଷ

ସର୍ବାଧିକ ବୟସ ୩୨ ବର୍ଷ

– ସିଆର୍‌ପିଏଫ୍‌ରେ କନଷ୍ଟେବଳ ପଦରେ ଥିବା ବ୍ୟକ୍ତି ଏଥିପାଇଁ ଆବେଦନ କରନ୍ତୁ।

– ଆବେଦନକାରୀ କନଷ୍ଟେବଳ ପଦରେ ଅତି ବେଶିରେ ୪ ବର୍ଷ ପର୍ଯ୍ୟନ୍ତ କାମ କରିଥିବେ।

– ଆବେଦନକାରୀ ଯୁକ୍ତ ଦୁଇ ପଢ଼ିଥିବା ଆବଶ୍ୟକ।

ଯୋଗ୍ୟ ଆବେଦନକାରୀଙ୍କୁ ଚୟନ କରିବା ପାଇଁ ଲିଖିତ ପରୀକ୍ଷା କରାଯିବ। ଏହି ଲିଖିତ ପରୀକ୍ଷା ୧୯ ଏପ୍ରିଲରେ କରାଯିବ। ଏହାପରେ ତାଙ୍କର ଶାରୀରିକ ଦକ୍ଷତା ପରୀକ୍ଷା ଓ ମେଡିକାଲ୍‌ ପରୀକ୍ଷା ପରେ ମେରିଟ୍‌ ଲିଷ୍ଟ ବାହାର କରାଯିବ। ଅଧିକ ସୂଚନା ପାଇବା ପାଇଁ www.crpf.gov.in ୱେବସାଇଟ୍‌କୁ ଭିଜିଟ୍‌ କରନ୍ତୁ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।