କେନ୍ଦ୍ରୀୟ ବିଦ୍ୟାଳୟରେ ପାଠ ପଢ଼ିବା ପାଇଁ ଘୋଷଣା ହେଲା ଆବେଦନ ତାରିଖ

ନୂଆଦିଲ୍ଲୀ: କେନ୍ଦ୍ରୀୟ ବିଦ୍ୟାଳୟରେ ପାଠ ପଢ଼ିବା ପାଇଁ ବିଜ୍ଞପ୍ତି ପ୍ରକାଶ ପାଇଛି। କେନ୍ଦ୍ର ଶିକ୍ଷା ମନ୍ତ୍ରାଳୟ କେନ୍ଦ୍ର ବିଦ୍ୟାଳୟର ନୂଆ ଏକାଡେମିକ୍ ଅଧିବେଶନରେ ଆଡମିଶନ ପାଇଁ ତାରିଖ ଘୋଷଣା କରିଛି।୨୦୨୧-୨୨ ଶିକ୍ଷାବର୍ଷ ପାଇଁ ପ୍ରଥମ ଶ୍ରେଣୀରେ ଆଡମିଶନ ପାଇଁ ଅନଲାଇନରେ୍ ପଞ୍ଜୀକରଣ କରିବାକୁ ହେବ। ଏପ୍ରିଲ୍ ୧ରୁ ଏହି ପ୍ରକ୍ରିୟା ଆରମ୍ଭ ହେବ। ସେହିପରି ଦ୍ୱିତୀୟ ଶ୍ରେଣୀ ପରଠୁ ଅନ୍ୟ କୌଣସି କ୍ସାସରେ ଆଡମିଶନ ନେବାକୁ ଚାହୁଁଥିଲେ ଇଚ୍ଛୁକ ଛାତ୍ରଛାତ୍ରୀ ଏପ୍ରିଲ ୮ରୁ ଅଫଲାଇନ ମୋଡରେ ଆବେଦନ କରିପାରିବେ।

ପ୍ରଥମ ଶ୍ରେଣୀ ପାଇଁ ଅନଲାଇନ୍ ପଞ୍ଜୀକରଣ ଏପ୍ରିଲ୍ ୧ ସକାଳ ୧୦ଟାରୁ ଆରମ୍ଭ ହେବ। ଆଉ ୧୯ ଏପ୍ରିଲ ସନ୍ଧ୍ୟା ୭ଟାରେ ଶେଷ ହେବ। ଅଧିକ ସୂଚନା ପାଇଁ ଏହି ୱେବସାଇଟରେ Online Admission Portal | Kendriya Vidyalaya Sangthan (kvs.gov.in)ରେ କ୍ଲିକ୍ କରନ୍ତୁ।  ଦ୍ୱିତୀୟ ଶ୍ରେଣୀ ପରଠୁ ଅନ୍ୟ କୌଣସି ଶ୍ରେଣୀରେ ଆଡମିଶନ ନେବାକୁ ଚାହୁଁଥିଲେ ଅଫଲାଇନ ମୋଡରେ ୮ ଏପ୍ରିଲରୁ ୧୫ ଏପ୍ରିଲ ମଧ୍ୟରେ ଆବେଦନ କରିହେବ। ସକାଳ ୮ଟାରୁ ଆବେଦନ ପ୍ରକ୍ରିୟା ଆରମ୍ଭ ହେବ। ଏକାଦଶ ଶ୍ରେଣୀ ପାଇଁ ଆବେଦନ କରିବାକୁ ଚାହୁଁଥିବା ଛାତ୍ରଛାତ୍ରୀ ଏହି ୱେବସାଇଟରେ କ୍ଲିକ୍ (Kendriya Vidyalaya Sangathan | KVS Delhi |Government of India (kvsangathan.nic.in)) କରି ଅଧିକ ସୂଚନା ଜାଣିପାରିବେ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।