OJEE ପରୀକ୍ଷା: ଟପ୍ପର ତାଲିକାରେ ୨୨ଜଣ, ୫ ଝିଅ

ଭୁବନେଶ୍ୱର(ଓଡ଼ିଶା ରିପୋର୍ଟର): ଓଡ଼ିଶା ଯୁଗ୍ମ ପ୍ରବେଶିକା ପରୀକ୍ଷା(ଓଜେଇଇ) ପରୀକ୍ଷା ଫଳ ଆଜି ପ୍ରକାଶ ପାଇଛି। ୨୦୨୧-୨୨ ଶିକ୍ଷାବର୍ଷ ନିମନ୍ତେ ରାଜ୍ୟର ବିଭିନ୍ନ ସରକାରୀ ଓ ବେସରକାରୀ କଲେଜ ଏବଂ ଶିକ୍ଷାନୁଷ୍ଠାନଗୁଡ଼ିକରେ ପ୍ରଚଳିତ ୧୨ଟି ବୈଷୟିକ ଓ ବୃତ୍ତିଗତ ପାଠ୍ୟକ୍ରମ ନିମନ୍ତେ ପ୍ରବେଶିକା ପରୀକ୍ଷା ଅନୁଷ୍ଠିତ ହୋଇଥିଲା। ପରୀକ୍ଷାରେ ୨୨ଜଣ ଟପ୍ପର ଥିବାବେଳେ ସେମାନଙ୍କ ମଧ୍ୟରେ ୫ଜଣ ଝିଅ ରହିଛନ୍ତି। ପ୍ରକାଶିତ ଓଜେଇଇ ପରୀକ୍ଷା ଫଳାଫଳ ଅନୁସାରେ , ବି-ଫର୍ମାରେ ଲକ୍ଷ୍ମପ୍ରିୟା ସେନାପତି, ଏଲ ଟେକ୍‌(ଡିପ୍ଲୋମା)ରେ ପିଙ୍କିରାଣୀ ସାହୁ, […]

ojee

ojee

Ordigital Desk
  • Published: Wednesday, 29 September 2021
  • Updated: 29 September 2021, 10:00 PM IST

Sports

Latest News

ଭୁବନେଶ୍ୱର(ଓଡ଼ିଶା ରିପୋର୍ଟର): ଓଡ଼ିଶା ଯୁଗ୍ମ ପ୍ରବେଶିକା ପରୀକ୍ଷା(ଓଜେଇଇ) ପରୀକ୍ଷା ଫଳ ଆଜି ପ୍ରକାଶ ପାଇଛି। ୨୦୨୧-୨୨ ଶିକ୍ଷାବର୍ଷ ନିମନ୍ତେ ରାଜ୍ୟର ବିଭିନ୍ନ ସରକାରୀ ଓ ବେସରକାରୀ କଲେଜ ଏବଂ ଶିକ୍ଷାନୁଷ୍ଠାନଗୁଡ଼ିକରେ ପ୍ରଚଳିତ ୧୨ଟି ବୈଷୟିକ ଓ ବୃତ୍ତିଗତ ପାଠ୍ୟକ୍ରମ ନିମନ୍ତେ ପ୍ରବେଶିକା ପରୀକ୍ଷା ଅନୁଷ୍ଠିତ ହୋଇଥିଲା। ପରୀକ୍ଷାରେ ୨୨ଜଣ ଟପ୍ପର ଥିବାବେଳେ ସେମାନଙ୍କ ମଧ୍ୟରେ ୫ଜଣ ଝିଅ ରହିଛନ୍ତି।

ପ୍ରକାଶିତ ଓଜେଇଇ ପରୀକ୍ଷା ଫଳାଫଳ ଅନୁସାରେ , ବି-ଫର୍ମାରେ ଲକ୍ଷ୍ମପ୍ରିୟା ସେନାପତି, ଏଲ ଟେକ୍‌(ଡିପ୍ଲୋମା)ରେ ପିଙ୍କିରାଣୀ ସାହୁ, ଏଲ ଟେକ(ବିଏସସି) ଦୀପକ ସ, ବି ଟେକ(ସ୍ପେଶଲ) ପୀୟଉଷ ଚାନ୍ଦୁକା, ଏମବିଏ- ଆଶୁତୋଷ ରଥ, ଏମସିଏ-ନିଶିକାନ୍ତ ପରିଡ଼ା, ଇଣ୍ଟିଗ୍ରେଟେଡ୍ ଏମବିଏମ- ରୁଦ୍ରପ୍ରତାପ ରଥ, ଏମ ଫାର୍ମା- କେ.ସଞ୍ଜନ ସୁବଦ୍ଧି, ଏମ-ଆର୍କ ପ୍ରଣବ ଚନ୍ଦ୍ର ବିନ୍ଧାଣୀ, ଏମ ପ୍ଲାନ ବିଶ୍ୱଜିତ୍ ସ୍ୱାଇଁଙ୍କ ସମେତ ଏମଟେକର ବିଭିନ୍ନ ପାଠ୍ୟକ୍ରମରେ ଯଥା ସିଭିଲ ଇଞ୍ଜିନିୟର-ସୌମ୍ୟା ସାହୁ, ଇଲେକ୍ଟ୍ରିକାଲ ଇଞ୍ଜିନିୟରିଂ- ସତ୍ୟବ୍ରତ ସାହୁ, ମେକାନିକାଲ ଇଞ୍ଜିନିୟରିଂ-ମଳୟ କୁମାର ଓଝା, କମ୍ପ୍ୟୁଟର ସାଇନ୍ସ/ଆଇଟି- ସୌମ୍ୟ ସଙ୍କେତ ପାତ୍ର, ଇଲେକ୍ଟ୍ରେିାନିକ୍ସ ଆଣ୍ଡ କର୍ମସିଆଲ ଇଞ୍ଜିନିୟରିଂରେ ଦୀପକ କୁମାର ପୃଷ୍ଟି, କେମିକାଲ ଇଞ୍ଜନିୟରିଂରେ ସମ୍ବିତ ନାୟକ, ମେଟାର୍ଲୁଜିକାଲ ଇଞ୍ଜନିୟରିଂରେ ସମ୍ବିତ କୁମାର ସାହୁ, ପରିବେଶ ଇଞ୍ଜନିୟରିଂରେ ଅମିତ୍ କର, ବାୟୋଟେକ୍ନୋଲୋଜିରେ ସସ୍ମିତା ପତି, ପ୍ଲାଷ୍ଟିକ ଇଞ୍ଜନିୟରିଂରେ ସାଇସ୍ୱପ୍ନା ରାଉତରାୟ ଓ ଟେକ୍ସଟାଇଲ ଇଞ୍ଜିନିୟରିଂରେ ଅଜିତ୍ କୁମାର ସାହୁ ଟପ୍ପର ହୋଇଛନ୍ତି।

ଆଜି ଏହି ଫଳାଫଳ ସମ୍ପର୍କରେ ରାଜ୍ୟ ଦକ୍ଷତା ବିକାଶ ଓ ବୈଷୟିକ ଶିକ୍ଷା ମନ୍ତ୍ରୀ ପ୍ରେମାନନ୍ଦ ନାୟକ, ବିଭାଗୀୟ ସଚିବ ହେମନ୍ତ ଶର୍ମା, ଓଜେଇଇ ଅଧ୍ୟକ୍ଷ ଓ ଅନ୍ୟ ବରିଷ୍ଠ ଅଧିକାରୀମାନେ ସୂଚନା ଦେବା ସହ ଫଳାଫଳ ପୁସ୍ତିକାକୁ ମନ୍ତ୍ରୀ ଉନ୍ମୋଚନ କରିଥିଲେ।

ତଥ୍ୟ ଅନୁସାରେ ମୋଟ ୬୫୭୬୩ଜଣ ପରୀକ୍ଷାର୍ଥୀ ପଞ୍ଜିକୃତ ହୋଇଥିବାବେଳେ ୪୯୩୬୦ଜଣ ପରୀକ୍ଷା(୭୫%) ଦେଇଥିଲେ । ସେମାନଙ୍କ ମଧ୍ୟରୁ ୪୯,୨୭୯ଜଣ ପରୀକ୍ଷାର୍ଥୀଙ୍କୁ ବିଭିନ୍ନ ର‌୍ୟାଙ୍କ ମିଳିବ । କୋଭିଡ୍ ଗାଇଡଲାଇନ୍ ମଧ୍ୟରେ ସେପ୍ଟେମ୍ବର ୧ରୁ ୧୮ତାରିଖ ମଧ୍ୟରେ ଏହି ଓଜେଇଇ ପ୍ରବେଶିକା ପରୀକ୍ଷା ରାଜ୍ୟର ସମସ୍ତ ୩୦ଟି ଜିଲ୍ଲା ସମେତ ରାଜ୍ୟ ବାହାରର ୩ଟି ସହରରେ ଅନୁଷ୍ଠିତ ହୋଇଥିଲା।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos