ଭୁବନେଶ୍ୱର (ଓଡ଼ିଶା ରିପୋର୍ଟର): ଓଏମ୍ସି ବା ଓଡ଼ିଶା ଖଣି ନିଗମ ଆଣିଛି ୱାକ୍ ଇନ୍ ଇଣ୍ଟରଭ୍ୟୁ ସୁଯୋଗ। ଖାଲି ପଡିଥିବା ବିଭିନ୍ନ ପଦବୀ ପାଇଁ ଓଏମ୍ସି ପକ୍ଷରୁ ଜାରି ହୋଇଛି ବିଜ୍ଞପ୍ତି। ଇଚ୍ଛୁକ ପ୍ରାର୍ଥୀ ଫେବ୍ରୁଆରୀ ୧୫ ଓ ୧୬ରେ ସିଧାସଳଖ କେନ୍ଦୁଝର ଜିଲ୍ଲାର ବଡବିଲ୍ ସ୍ଥିତ ଓଏମ୍ସି ଅଫିସ୍ ଯାଇ ଇଣ୍ଟରଭ୍ୟୁ ଦେଇପାରିବେ।
ମୋଟ ପଦବୀ-୭୪
ଫୋର୍ମ୍ୟାନ୍-୧୦, ସର୍ବେକ୍ଷଣକାରୀ ବା ସର୍ଭେର୍-୧୪, ମାଇନିଂ ମେଟ୍ ୩-୫୦। କେବଳ ଓଡିଶାର ପ୍ରାର୍ଥୀମାନେ ହିଁ ଅଣ-କାର୍ଯ୍ୟନିର୍ବାହୀ ପଦବୀ ପାଇଁ ଆବେଦନ କରିବାକୁ ଯୋଗ୍ୟ ଅଟନ୍ତି।
ଶିକ୍ଷାଗତ ଯୋଗ୍ୟତା
ଫୋରମ୍ୟାନ୍: ଇଚ୍ଛୁକ ପ୍ରାର୍ଥୀ ମାଇନିଂରେ ଡିପ୍ଲୋମା କରି ଡିଜିଏମ୍ସି ଦ୍ୱାରା ଫୋର୍ମ୍ୟାନ୍ରେ ଦକ୍ଷତା ପ୍ରମାଣପତ୍ର ହାସଲ କରିଥିବା ଆବଶ୍ୟକ।
ସର୍ବେକ୍ଷଣକାରୀ: DGMS ରୁ ଖଣି ସର୍ବେକ୍ଷଣରେ ଦକ୍ଷତା ସର୍ବେକ୍ଷଣ ପ୍ରମାଣପତ୍ର ସହିତ AICTE ସ୍ୱୀକୃତିପ୍ରାପ୍ତ ଅନୁଷ୍ଠାନରୁ ଖଣି ସର୍ଭେ/ ଖଣି ଇଞ୍ଜିନିୟରିଂରେ ଡିପ୍ଲୋମା କରିଥିବା ଜରୁରୀ।
ମାଇନିଂ ମେଟ୍ ୩: MMR ୧୯୬୧ ଅନୁଯାୟୀ DGMS ଦ୍ୱାରା ଜାରି କରାଯାଇଥିବା ଦକ୍ଷତା ସାର୍ଟିଫିକେଟ୍ ସହ HSCରେ ମାଇନିଂ ମେଟ୍ ୩ କରଥିବା ଉଚିତ। ମାର୍କ ଏବଂ ପର୍ସେଣ୍ଟେଜ ଦେଖି ପ୍ରାର୍ଥୀଙ୍କୁ ଚୟନ କରାଯିବ।
ବୟସ ସୀମା: ଆବେଦନ କରିଥିବା ପ୍ରାର୍ଥୀଙ୍କ ବୟସ ୧୮ ବର୍ଷରୁ କମ୍ କିମ୍ବା 32 ବର୍ଷରୁ ଅଧିକ ହେବା ଉଚିତ୍ ନୁହେଁ। ସଂରକ୍ଷିତ ବର୍ଗର ପ୍ରାର୍ଥୀଙ୍କୁ ପକ୍ଷେ ଏହି ବୟସସୀମା କୋହଳ କରାଯାଇଛି।
ଦରମା: ଫୋରେମ୍ୟାନ୍ ଏବଂ ସର୍ବେକ୍ଷଣକାରୀ ପଦବୀ ପାଇଁ ପେ' ସ୍କେଲ ହେଉଛି ପେ ଲେବୁଲ-୯ ଅନୁଯାୟୀ ୩୫,୪୦୦ରୁ ୧,୧୨,୪୦୦ ଟଙ୍କା ରହିଛି। ସେହିପରି ମାଇନିଂ ମେଟ -3 ପାଇଁ ପେ' ଲେବୁଲ-୫ ଅନୁଯାୟୀ ୨୧,୭୦୦ରୁ ୬୯,୧୦୦ ରହିଛି।
କିଭଳି କରିବେ ଆବେଦନ?
ଏହି ସବୁ ପଦବୀ ପାଇଁ ଯୋଗ୍ୟ ଥିବା ପ୍ରାର୍ଥୀମାନେ OMC ୱେବସାଇଟ୍ www.omcltd.in କୁ ଯାଇ ବାୟୋ-ଡାଟା ଫର୍ମାଟ୍ ଡାଉନଲୋଡ୍ କରିପାରିବେ ଏବଂ ନିର୍ଦ୍ଧାରିତ ତାରିଖଗୁଡ଼ିକରେ ପ୍ରଯୁଜ୍ୟ ଡକ୍ୟୁମେଣ୍ଟ୍ ସହିତ ୱାକ୍-ଇନ୍ ଇଣ୍ଟରଭ୍ୟୁ ପାଇଁ ଯାଇପାରିବେ।
ୱାକ୍-ଇନ୍-ଇଣ୍ଟରଭ୍ୟୁର ତାରିଖ ଓ ସମୟ: ଫୋର୍ମ୍ୟାନ୍ ପଦବୀ ପାଇଁ ଫେବ୍ରୁଆରୀ ୧୭, ୨୦୨୨ ସକାଳ ୮ଟାରେ କମ୍ୟୁନିଟି ସେଣ୍ଟର୍, ଆଞ୍ଚଳିକ କାର୍ଯ୍ୟାଳୟର ଓଏମ୍ସି କଲୋନୀ, ବଡ୍ବିଲ୍, କେନ୍ଦୁଝରରେ ୱାକ୍ ଇନ୍ ଇଣ୍ଟରଭ୍ୟୁ ହେବ। ସର୍ଭେ ଏବଂ ମାଇନିଂ ମେଟ୍-୩ ପଦବୀ ପାଇଁ ଠିକ୍ ଏହି ସ୍ଥାନରେ ହିଁ ଫେବ୍ରୁଆରୀ ୧୬ ସକାଳ ୮ଟାରୁ ୧୧ଟା ଇଣ୍ଟରଭ୍ୟୁ ହେବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
