ଆସନ୍ତାକାଲି ପ୍ରକାଶ ପାଇବ CAT ଆଡମିଟ୍ କାର୍ଡ, ଜାଣନ୍ତୁ ୱେବସାଇଟ୍ ନାମ

କମନ୍ ଆଡମିଶନ ଟେଷ୍ଟ (CAT) ପାଇଁ ଆସନ୍ତାକାଲି ପ୍ରକାଶ ପାଇବ ଆଡମିଟ୍ କାର୍ଡ। ପଞ୍ଜୀକୃତ ପ୍ରାର୍ଥୀମାନେ ସରକାରୀ ୱେବସାଇଟ୍ - iimcat.ac.in ରୁ ସେମାନଙ୍କର ହଲ୍ ଟିକେଟ୍ ଡାଉନଲୋଡ୍ କରିପାରିବେ।

ସରକାରୀ କାର୍ଯ୍ୟସୂଚୀ ଅନୁଯାୟୀ, CAT 2023 ଆଡମିଟ୍ କାର୍ଡ ଲିଙ୍କ୍ ଆସନ୍ତାକାଲି ଅପରାହ୍ନ 5ଟାରେ ଆକ୍ଟିଭେଟ୍ ହେବ। CAT ହଲ୍ ଟିକେଟ୍ ଡାଉନଲୋଡ୍ ଏବଂ ଆକ୍ସେସ୍ କରିବାକୁ ପ୍ରାର୍ଥୀଙ୍କୁ CAT ଆବେଦନ ନମ୍ବର ଏବଂ ଜନ୍ମ ତାରିଖ ସହ ପରିଚୟପତ୍ର ଦେଇ ଲଗଇନ୍ କରିବାକୁ ପଡିବ।

IIM CAT 2023 ଆଡମିଟ୍ କାର୍ଡରେ ଆବେଦନକାରୀଙ୍କ ସମସ୍ତ ତଥ୍ୟ ରହିବ। CAT ଆପ୍ଲିକେସନ ନମ୍ବର ସାଙ୍ଗକୁ ରୋଲ୍ ନମ୍ବର, ପରୀକ୍ଷା କେନ୍ଦ୍ର, ପରୀକ୍ଷା କେନ୍ଦ୍ରକୁ ରିପୋର୍ଟ ସମୟ, ପରୀକ୍ଷା ସମୟ ଏବଂ ପରୀକ୍ଷା ନିର୍ଦ୍ଦେଶାବଳୀ ସମେତ ପ୍ରାର୍ଥୀଙ୍କ ସମସ୍ତ ବିବରଣୀ ରହିବ।

ନଭେମ୍ବର 26ରେ CAT ପରୀକ୍ଷା ହେବ। ପରୀକ୍ଷାର୍ଥୀମାନେ ପରୀକ୍ଷା କେନ୍ଦ୍ରକୁ ଏକ ବୈଧ ପରିଚୟପତ୍ର ପ୍ରମାଣ ସହ ଆଡମିଟ୍ କାର୍ଡ ନେବାକୁ ବାଧ୍ୟତାମୂଳକ ରହିଛି।