ସେଣ୍ଟ୍ରାଲ୍ ବୋର୍ଡ ଅଫ୍ ସେକେଣ୍ଡାରୀ ଏଜୁକେସନ୍ (CBSE) ଖୁବ୍ ଶୀଘ୍ର ଦଶମ ଓ ଦ୍ୱାଦଶ ପରୀକ୍ଷା ଫଳ ପ୍ରକାଶ କରିପାରେ। ଚଳିତ ମାସ ପ୍ରଥମ ସପ୍ତାହରେ ରେଜଲ୍ଟ ଘୋଷଣା ହେବାର ସମ୍ଭାବନା ରହିଛି।
ବୋର୍ଡର ଅଫିସିଆଲ୍ ୱେବସାଇଟ୍ Cbse.nic.in ଏବଂ cbseresults.nic.in ମାଧ୍ୟମରେ ରେଜଲ୍ଟ ଜାଣିପାରିବେ। ତେବେ ଫଳାଫଳ ପ୍ରକାଶ ପାଇବା ସମୟରେ ସୋଶାଲ ମିଡିଆରେ ଅନେକ ବିଭ୍ରାନ୍ତକର ସୂଚନା ଦିଆଯାଉଛି, ଯେଉଁଥିରେ ବିଶ୍ୱାସ ନ କରିବାକୁ ବୋର୍ଡ ପକ୍ଷରୁ କୁହାଯାଇଛି।
Also Read
ବୋର୍ଡର ଲୋକସମ୍ପର୍କ ଅଧିକାରୀ (PRO) କହିଛନ୍ତି ଯେ, ଦଶମ ଓ ଦ୍ୱାଦଶ ପରୀକ୍ଷା ଫଳ ପ୍ରକାଶ ପାଇନାହିଁ। ମେ ୧ ଅପରାହ୍ନ ଗୋଟାଏରୁ ୩ଟା ମଧ୍ୟରେ ଫଳାଫଳ ପ୍ରକାଶ ପାଇବା ନେଇ ଯେଉଁ ସୂଚନା ପ୍ରସାରଣ ହୋଇଥିଲା ତାହା ଭୁଲ୍। ଏପରି ବିଭ୍ରାନ୍ତକର ସୂଚନା ଉପରେ ବିଶ୍ୱାସ କରନ୍ତୁ ନାହିଁ। ରେଜଲ୍ଟ ପ୍ରକାଶ ସମୟରେ ନିଶ୍ଚିତ ରୂପେ ବୋର୍ଡ ପକ୍ଷରୁ ସୂଚନା ଦିଆଯିବ।
ତେବେ ଚଳିତ ବର୍ଷ ଉଭୟ ଦଶମ ଓ ଦ୍ୱାଦଶ ଶ୍ରେଣୀରୁ ୩୯ ଲକ୍ଷ ଛାତ୍ରଛାତ୍ରୀ ପରୀକ୍ଷା ଦେଇଛନ୍ତି। ଗତ ବର୍ଷ, CBSE ବୋର୍ଡ ଫଳାଫଳ ମେ ୧୨ରେ ପ୍ରକାଶ ପାଇଥିଲା। ଚଳିତ ବର୍ଷ ମଧ୍ୟ ଏହି ସମୟ ମଧ୍ୟରେ ଘୋଷଣା ହେବାର ସମ୍ଭାବନା ରହିଛି। ରେଜଲ୍ଟ ବାବଦରେ ଜାଣିବା ପାଇଁ ସର୍ବଦା CBSEର ଅଫିସିଆଲ ୱେବସାଇଟ୍ ଫଲୋ କରନ୍ତୁ, ସୋଶାଲ ମିଡିଆ ସୂଚନା ଉପରେ ବିଶ୍ୱାସ କରନ୍ତୁ ନାହିଁ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
