ମୁମ୍ବାଇ: ବରିଷ୍ଠ ହାସ୍ୟ ଅଭିନେତା ତଥା ଘରେ ଘରେ ଜଗଦୀପ ନାମରେ ପରିଚିତ ସୟଦ୍ ଇସ୍ତଆକ୍ ଅହମ୍ମଦ ଜାଫରିଙ୍କ ପରଲୋକ ହୋଇଛି। ଜଗଦୀପ ତାଙ୍କ ମଞ୍ଚ ନାମ ହୋଇଥିଲେ ହେଁ ସମସ୍ତେ ତାଙ୍କୁ ସେହି ନାମରେ ହିଁ ଜାଣନ୍ତି। ତାଙ୍କର ୮୧ ବର୍ଷ ବୟସରେ ପରଲୋକ ହୋଇଛି।
ବୟସାଧିକ କାରଣରୁ ରାତି ୮.୪୦ ବେଳକୁ ତାଙ୍କର ମୃତ୍ୟୁ ହୋଇଛି। ଆସନ୍ତାକାଲି ତାଙ୍କୁ ମୁମ୍ବାଇର ଶିଆ କବରସ୍ତାନକୁ ନିଆଯିବ।
୭୦ ଦଶକରୁ ଆରମ୍ଭ କରି ୮୦ ଏବଂ ୯୦ ଦଶକ ଯାଏ ସେ ବଲିଉଡ୍ରେ ବେଶ ସକ୍ରିୟ ଥିଲେ। ୧୯୭୫ ମସିହାର ପ୍ରସିଦ୍ଧ ଫିଲ୍ମ ଶୋଲେରେ ସେ ନିଭାଇ ଥିଲେ ସୁର୍ମା ଭୋପାଲି ଭୂମିକା। ସେହି ସୁର୍ମା ଭୋପାଲି ନାମରେ ଏକ ଫିଲ୍ମର ନିର୍ଦ୍ଦେଶନା ମଧ୍ୟ ଦେଇଥିଲେ। ଏତଦ୍ବ୍ୟତୀତ ଅନ୍ଦାଜ୍ ଅପନା ଅପନା, ବ୍ରହ୍ମଚାରୀ ଏବଂ ନାଗିନ୍ ପରି ଫିଲ୍ମରେ ସେ ଅଭିନୟ କରିଛନ୍ତି। ଅଭିନେତା ଜାଭେଦ୍ ଜାଫରି ଏବଂ ନାଭେଦ୍ ଜାଫରି ତାଙ୍କର ଦୁଇ ପୁଅ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
