Bollywood actor Vivek Oberoi
ଠକାମୀରେ ପଡ଼ିଲେ ବଲିଉଡ୍ ଅଭିନେତା ବିବେକ ଓବରୋୟ। ସେ ପ୍ରାୟ ୧.୫୫ କୋଟି ଟଙ୍କା ଠକେଇର ଶିକାର ହୋଇଛନ୍ତି। ୩ ଜଣଙ୍କ ନାମରେ ସେ ଏହି ଅଭିଯୋଗ ଆଣିଛନ୍ତି। ଏକ ଫିଲ୍ମ କରିବାକୁ ସେମାନେ ଏହି ଟଙ୍କା ନେଇଥିଲେ ଓ ଭଲ ଲାଭ ମିଳିବ ବୋଲି କହି ଠକେଇ କରିଥିବା ଏତଲାରେ ଉଲ୍ଲେଖ କରିଛନ୍ତି। ମହାରାଷ୍ଟ୍ରର ଅନ୍ଧେରି ଇଷ୍ଟ ଅନ୍ତର୍ଗତ ଏମ୍ଆଇଡିସି ଥାନାରେ ଏତଲା ପରେ ପୁଲିସ ମାମଲା ରୁଜୁ କରି ଘଟଣାର ତଦନ୍ତ କରୁଛି।
ଅଭିଯୁକ୍ତ ତାଲିକାରେ ଜଣେ ଫିଲ୍ମ ନିର୍ମାତା ଅଛନ୍ତି। ଯିଏକି ତାଙ୍କୁ ଫିଲ୍ମରେ ଟଙ୍କା ନିବେଶ ନିମନ୍ତେ କହିଥିଲେ। ସେ ପ୍ରାୟ ୧.୫୫ କୋଟି ଟଙ୍କା ଏଥିନିମନ୍ତେ ଦେଇଥିବା ବେଳେ ଅଭିଯୁକ୍ତମାନେ ଏହାକୁ ନିଜ ବ୍ୟବହାରରେ ଖର୍ଚ୍ଚ କରିଦେଇଛନ୍ତି। ଏହି ଫିଲ୍ମ ନିର୍ମାଣରେ ବିବେକଙ୍କ ପତ୍ନୀ ମଧ୍ୟ ଜଣେ ପାଟନର ହୋଇଥିଲେ।
/odisha-reporter/media/agency_attachments/2025/09/10/2025-09-10t082211800z-640x480-or-sukant-rout-2025-09-10-13-52-11.png)
Follow Us