OTT ପ୍ଲାଟଫର୍ମରେ ରିଲିଜ୍ ହେବ ‘ଲକ୍ଷ୍ମୀ ବମ୍ବ୍’

ମୁମ୍ବାଇ: କରୋନା ଭାଇରସ୍ ସହ ମୁକାବିଲା ପାଇଁ ଏବେ ଦେଶରେ ଲକଡାଉନ ଚାଲିଛି। ତେଣୁ ଅନ୍ୟ ସବୁ କ୍ଷେତ୍ର ପରି ଫିଲ୍ମ ଇଣ୍ଡଷ୍ଟ୍ରିର ମଧ୍ୟ ଏଥିରେ ବେଶ୍ ପ୍ରଭାବିତ ହୋଇଛି। କରୋନା ସଂକ୍ରମଣକୁ ରୋକିବା ପାଇଁ ସିନେମା ହଲଗୁଡ଼ିକୁ ବନ୍ଦ ରଖାଯାଇଛି। ତେଣୁ ପ୍ରାୟ ଫିଲ୍ମକୁ ଏବେ OTT ପ୍ଲାଟଫର୍ମରେ ରିଲିଜ୍ କରିଦିଆଯାଉଛି। କିଛିଦିନ ତଳେ ‘ଅଂରେଜୀ ମି଼ଡିୟମ୍’ ଓ ‘ଘୂମକେତୁ’ OTT ପ୍ଲାଟଫର୍ମରେ ରିଲିଜ୍ ହୋଇଯାଇଥିବାବେଳେ ‘ଶକୁନ୍ତଳାଦେବୀ’, ‘ଗୁଲାବୋ ସିତାବୋ’ ଓ ‘ଗୁଞ୍ଜନ ସକ୍ସେନା’ ପରି ଫିଲ୍ମର ରିଲିଜ୍ ମଧ୍ୟ ଏଥିରେ ହେବ ବୋଲି ଘୋଷଣା କରିଦିଆଯାଇଛି। ବର୍ତ୍ତମାନ ଏଥିରେ ସାମିଲ୍ ହୋଇଛି ଅକ୍ଷୟ କୁମାରଙ୍କ ଫିଲ୍ମ ‘ଲକ୍ଷ୍ମୀ ବମ୍ବ୍’।

ଅକ୍ଷୟଙ୍କ ଏହି ବହୁ ଚର୍ଚ୍ଚିତ ଫିଲ୍ମଟି ପ୍ରଥମେ ମେ 22ରେ ରିଲିଜ୍ କରାଯିବାକୁ ଯୋଜନା ହୋଇଥିଲା। ହେଲେ ମହାମାରୀ କରୋନା ଭାଇରସ୍ ଯୋଗୁ ଚାଲିଥିବା ଲକଡାଉନ୍ ପାଇଁ ଏହାକୁ ଅନଲାଇନ୍ ରିଲିଜ୍ କରିବାକୁ ନିଷ୍ପତ୍ତି ନିଆଯାଇଛି। ହେଲେ ବର୍ତ୍ତମାନ ଫିଲ୍ମର କିଛି କାମ ଅସମ୍ପୂର୍ଣ୍ଣ ରହିଛି, ଯାହାକୁ ପୂରା କରିବା ପାଇଁ ଅନ୍ତତଃ ମାସେ ଲାଗିବ। ତେଣୁ ପ୍ରାୟ ମାସେ ପରେ ଏହାକୁ ଡିଜିଟାଲ୍ ପ୍ଲାଟଫର୍ମ ‘ହଟଷ୍ଟାର୍’ରେ ରିଲିଜ୍ କରାଯିବ। ସୂଚନା ମୁତାବକ, ଏଥିପାଇଁ ପ୍ରଥମେ ଫିଲ୍ମର କିଛି ସଦସ୍ୟ ରାଜି ନଥିଲେ। ହେଲେ ଅନ୍ୟ କୌଣସି ଉପାୟ ନ ମିଳିବାରୁ ବର୍ତ୍ତମାନ ସମସ୍ତେ ଏହାର ଅନଲାଇନ୍ ରିଲିଜ୍ ପାଇଁ ରାଜି ହୋଇଛନ୍ତି। ସୂଚନା ଅନୁଯାୟୀ, ଏହି ଫିଲ୍ମଟି OTT ପ୍ଲାଟଫର୍ମରେ 125 କୋଟି ଟଙ୍କାରେ ବିକ୍ରି ହୋଇଛି।

ସୂଚନାଯୋଗ୍ୟ, ‘ଲକ୍ଷ୍ମୀ ବମ୍ବ’ ଫିଲ୍ମଟି ତାମିଲ୍ ଫିଲ୍ମ ‘କଞ୍ଚନା’ର ରିମେକ୍। ଫିଲ୍ମରେ ଅକ୍ଷୟ ଜଣେ କିନ୍ନର ଭୂତ ଭୂମିକାରେ ଅଭିନୟ କରୁଛନ୍ତି। ଏଥିରେ କିୟାରା ଆଡଭାନୀଙ୍କୁ ମଧ୍ୟ ମୁଖ୍ୟ ଭୂମିକାରେ ଦେଖିବାକୁ ମିଳିବ। ଏହି ଫିଲ୍ମକୁ ନେଇ ଏହା ବି ଚର୍ଚ୍ଚା ହେଉଛି ଯେ ଏଥିରେ ଅମିତାଭ ବଚ୍ଚନ ମଧ୍ୟ କିନ୍ନର ଭୂତ ଭୂମିକାରେ ଅଭିନୟ କରିବେ।

ଆହୁରି ପଢ଼ନ୍ତୁ

ସବୁ ସ୍ୱପ୍ନରେ ପାଣି ପକାଇ ଦେଲା ଏୟାର ଇଣ୍ଡିଆ, ୧୮୦ ଆଶାୟୀ ହତାଶ

ବିକାଶ ଦୁବେ ଏନକାଉଣ୍ଟରରେ ସାମିଲ ଥିବା କନଷ୍ଟେବଲଙ୍କୁ କରୋନା

ଆସିଲା ଅମିତାଭଙ୍କ ୨୬ କର୍ମଚାରୀଙ୍କ କରୋନା ଟେଷ୍ଟ ରିପୋର୍ଟ

ବିଜେପି ମନ୍ତ୍ରୀଙ୍କ ପୁଅକୁ ଅଟକାଇ ବଦଳି ହେବା ପରେ ଚାକିରି ଛାଡ଼ିଲେ କନଷ୍ଟେବଲ ସୁନୀତା

ବିଦ୍ରୋହ କରୁଥିଲେ ସଚିନ ପାଇଲଟଙ୍କ ବାପା, ହେଲେ କେବେ କଂଗ୍ରେସ ଛାଡ଼ି ନଥିଲେ

ଝୁଲନ୍ତା ଅବସ୍ଥାରେ ମିଳିଲା ବିଜେପି ବିଧାୟକଙ୍କ ମୃତଦେହ, ଦଳ ଆଣିଲା ହତ୍ୟା ଅଭିଯୋଗ

ବିକାଶ ଦୁବେ ଘଟଣାରେ ଗିରଫ ପୁଲିସ୍ ଅଧିକାରୀଙ୍କୁ ଏନକାଉଣ୍ଟର ଭୟ: ସୁପ୍ରିମକୋର୍ଟଙ୍କ ଦ୍ୱାରସ୍ଥ

ରାଜସ୍ଥାନ ମୁଖ୍ୟମନ୍ତ୍ରୀଙ୍କୁ ଆଉ ଗୋଟିଏ ଝଟକା, ସହଯୋଗୀଙ୍କ ଘରେ ଆଇଟି ରେଡ୍

ସୁଶାନ୍ତଙ୍କ ମୃତ୍ୟୁକୁ ନେଇ ଜଣେ ପୁଲିସ୍ ଅଧିକାରୀ କଲେ ଏମିତି ଦାବି

ସେକ୍ସ ରାକେଟ୍‌ର ପର୍ଦ୍ଦାଫାସ, ନାବାଳିକାଙ୍କୁ ଦୁଷ୍କର୍ମ କରି ଖବରକାଗଜ ମାଲିକ ଗିରଫ

ମାସ୍କ ପିନ୍ଧାକୁ ନେଇ ବିବାଦ: ୧୯ ବର୍ଷୀୟ ଯୁବତୀଙ୍କୁ ହତ୍ୟା

ଏହି ଅଭିନେତାଙ୍କୁ କରୋନା, ଶୁଟିଂ ଚାଲିଥିବା ବେଳେ ଆସିଲା ଖବର